|
|
|
|
 |
Editoriau / Editorial |
 |
 |
LO CEBIER N° 231. OC PER PROVENCA! Una escomessa de tenir per l'occitanisme politic |
 |
|
 |
07 / 09 / 2021 |
 |
| |
OC PER PROVENCA! O PER PROUVENCO! OUI LA PROVENÇE !
Una escomessa de tenir per l’occitanisme politic
En seguida dei resultats deis eleccions regionalas que tot lo monde se satisfa, quora donant son percentatge, quora botant en davant sa reeleccion, lo Joanòt de servici que siáu a coma un reire-gost d’amarum. Metetz la tèsta a l’endrech e levatz un pauc mai lo nas de vòstre cartabèu : 63,16% d’abstencion fan que 36,84 de participacion, ambe quasi 5% blancs. Lei chifras parlan d’esperelei, ges de mastrolhatge possible.., e per nautrei farà jamai que un per cent deis inscrichs. Misèria, mai onte son passats lei Provençaus ? A respèct de la mejana exagonala, son dins lei nòrmas dau desamor ambient, es aquí l’estèc indefugible.
La classa politica que s’escaufestra (pas fòrça) en fàcia de l’escandòl civic mai se consola parierament de la demenida (relativa) de l’extrèma drecha, farà jamai l’analisi de la depression « republicana ». Depression mai psicologica que lo monde desertèt lei cabinas de votar puei que son vengudas simbòl d’impoténçia politica. S’amerita rampelada d’explicas que conoissèm ben : empielament d’estructuras centripètas que lei competéncias son sovent concurrentas, metropolizacions que fan de la region un ectoplasme sensa poder e mejans financiers, moninariás geocentradas per de territòris a pretencion europenca, vertadiers nanets simbolics…, refortidas per d’autrei macronariás subre centralizadas, en seguida dau chapotatge Sarkozy-Hollande a la manòbra passada.
Lo sistèma es arribat au bot de sa logica. A fòrça de subir a de reng lo mòde majoritari, sensa proporcionala vertadiera, de veire lei memei reelegits cada còp, de refusar una expression libra dins lei medias publics, lo poder se tròba confinat dins la logica finala dei drechas e extrèma drechas en competicion dau juec politic. Sauvar lei mòbles ! E mai a senèstra, lei retorns dei cacics de la politica, lei pichòtei manòbras d’aparelhs, comprés deis ecologistas ais òrdres de sa direccion parisenca que, coma leis autrei, son dintrats mai dins lo presidencialisme-circus de la Cinquena : tot aquò te carga la muela dei vièlhei combinasons d’a temps passat. L’experiéncia de « Oui la Provença ! », tant freula sigue, mòstra una autra chausida regionala qu’es de contuniar, cada còp qu’es possible, tot caminant ambe d’alianças alternativas de pensar mai. Es aquí lo camin dau cambiament que atrairà mai lo ciutadan vèrs leis urnas. Una escomessa de tenir per l’occitanisme politic? Grego !
Gerard TAUTIL
OUI LA PROVENCE ! Un pari à tenir pour l'occitanisme politique
A la suite des élections régionales dont tout le monde semble se satisfaire, mettant avant son pourcentage ou vantant sa réélection, le Jeannot de service que je suis a comme un goût d'amertume. Remettez votre tête à l'endroit et relevez le nez de votre registre: 63,16% d'abstention ne font que 36,84 de participation, avec presque 5% de vote blanc.Les chiffres parlent d'eux-mêmes, aucune manipulation possible, et pour nous quasiment 1% des inscrits... Misère, mais où sont passés les Provençaux? Comparé à la moyenne hexagonale nous sommes dans les normes du désamour ambiant, c'est un étau incontournable.
La classe politique qui ne s'alarme pas trop de ce scandale civique mais se console de la diminution (relative) de l'extrême droite,ne fera jamais l'analyse de cette dépression "républicaine". Dépression psychologique face à la désertion des cabines de vote devenues symbôle d'impuissance politique. Tout cela mérite des explications que nous connaissons malheureusement trop: empilement de structures centripètes aux compétences souvent concurrentes,
métropolisation qui fait de la région un ectoplasme sans pouvoir ni moyens financiers, minauderies géocentrées en direction de territoires aux dimensions à prétention européenne, véritables nains symboliques, autant de mesures renforcées par d'autres macroneries hyper-centralisées, à la suite des découpages passés des Sarkosy-Hollande.
Le système est arrivé au bout de sa logique. A force de subir le vote majoritaire, sans véritable proportionnelle, de revoir toujours les mêmes élus, de voir refuser toute expression libre dans les médias, le pouvoir est confiné dans une logique finale entre les droites et les extrême droites en compétition pour le poubvoir politique. Sauver les meubles! Et même à gauche, le retour des caciques de la politique, les petites manoeuvres d'appareils, y compris chez les écologistes aux ordres de leur direction parisienne, qui comme les autres sont entrés dans le cirque présidentialiste de la Cinquième: tout cela te charge la mule des vieilles combinaisons d'autrefois. Aussi fragile soit l'expérience de Oui la Provence!, elle propose une autre option régionale qu'il faut renforcer chaque fois que cela est possible, tout en cherchant d'autres alliances alternatives. C'est là que se trouve la voie du changement qui permetra au citoyen de retrouver la voie des urnes. Un pari à tenir pour l'occitanisme politique? Chiche!
|
|
|
| |
|
|
|
