|
|
|
|
 |
Editoriau / Editorial |
 |
 |
LO CEBIER-n°225 Febrier 2020 : Es enebit de dire, de faire, d'existir? |
 |
|
 |
16 / 02 / 2020 |
 |
| |
Edito
Enebit de dire, de faire, d’existir ?
En politica coma en tot, i a çò que se ditz e se ditz pas. Nautrei occitanistas, nos agradan gaire leis alònguis, nimai leis escorchis o autrei bescontorns. E nòstre franc valentin agrada pas totjorn a de mediàs ais òrdres dei poders successius. Au còntra, sus lo pontin politico-parisenc – tant vau dire çò que se vei ! - es lo luòc de l’antifrasa e dau messònja organizat. La pontanada viscuda per lo moviment sociau còntra lei retiradas e lo sistèma entier de sembla democracia, mòstra, a bèus uelhs vesents, que siam totei dins l’androna. D’unei parlan meme de « dictatura »…
L’« elèit » que baileja aquel estèc que li dien « democracia », es lo relais dau poder de l’argent, que se trufa de tot, levat seis interèsts pròpris e sei gasanhs immediats. Aquel elèit a decidit que dos mòts son enebits de practica e de paraula dins sa societat de deseperança : lo sociau e la cultura. Avètz ben legit, lo « sociau » per çò que penetra pas la politica comptabla de « l’universalitat » ; e la cultura per çò qu’avètz de badas cercat dins la borrolada d’ara deguna referéncia d’aquela mena. E parli pas de l’ensenhament tanben que bate l’antifa sensa trobar responsas. S’avètz pas compres çò que s’aprepara, siatz lo darrier dei colhons! De qué resta au ciutadan ? Un Parlament de filhòlis qu’empassa la paraula onchada de la trilogia Macron/Philippe/ Blanquer e que votarà la reforma dei retiradas per lo 49,3 quora auràn decidit. Un Conseu d’Estat que jòga en marge la partida d’una oposicion orfanèla e eteroclita. Es tot ? Aurètz lo benèsser d’anar votar dins l’espèra presidencialista e tornar faire la meteissa chausida entre pèsta e colerà… 2022 ? Tant digam que anaretz au balèti dei coguous.
Mai es coguou cu vòu. Dins un sistèma blocat, lo vèrme es forçadament dins la frucha. Adonc, es au ciutadan -e non au consomator somés que vòu pas cambiar de regim - de trobar solucions. Es un pauc la situacion de l’occitanisme d’ara que se demanda coma avançar. Solet, farà pas jamai que remenar una dicha e de practicas repetitivas que, dins lei situacions malaisadas, tròban pas eissida. Pasmens, lei bolegadissas socialas son au bèu mitan de la vida vidanta. Estar bòrni, alucar de l’autre costat de la carriera o practicar lo sorditge, lo farà pas avançar. La question pausada es simplassa : portarà sa pèira au reviramainatge dei moviments sociaus que van s’enaurar dins lei mes venents o estarà dins la situacion que conoissèm ? Anem, fau butar a la ròda, estralhatz un pauc de pebre dins vòstre motor, car coma ditz l’autre, « cu avança pas recuela » !
Gerard TAUTIL
-----------------
Interdit de dire, de faire, d'exister?
En politique, comme en tout, il y a ce qui se dit et ce qui ne se dit pas.Nous Occitanistes il ne nous plaît pas de faire traîner les choses en longueur, ni de faire des raccourcis ou de tourner autour du pot. Aussi notre franc parler ne plaît pas toujours aux médias des pouvoirs successifs.Au contraire, sur le palier politico-parisien -autant dire ce qui se voit!-,c'est le lieu de l'antiphrase et du mensonge organisé.Cette période vécue par le mouvement social contre les retraites et tout l'ensemble du système de parodie démocratique, montre de toute évidence que nous sommes tous dans l'impasse. Certains parlent même de "dictature".
"L'élite" qui domine ce "machin" qui se dit "démocratie"est le relais du pouvoir de l'argent qui se moque de tout, sinon de ses propres intérêts et gains immédiats. Cette élite a décidé d'interdire de toute pratique et de parole dans sa société de désespérance deux gros mots: le social et la culture. Le "social" pour ce qu'il s'oppose à une politique comptable de l'"universalité; et la "culture" parce que vous n'avez pas entendu parler dans cette mêlée d'une telle référence.Quant à l'enseignement,il bat la campagne sans trouver quelque réponse à ces questions. Si vous ignorez ce qui se prépare, c'est que vous êtes le dernier des couillons! Que reste-t-il au citoyens sinon un parlement de godillots qui avale la parole bénie du trio Macron-Philippe-Blanquer et qui fera voter la réforme des retraites avec le 49,3, quant ils le décideront. Un Conseil d'Etat qui joue en marge la partie d'une opposition orpheline et hétéroclite. Est-ce tout? Vous aurez le plaisir d'aller voter ensuite dans l'attente présidentialiste pour faire un même choix entre peste et choléra en 2022? Autant dire que vous irez au bal des cocus.
Mais n'est pas cocu qui veut.Dans un système bloqué, le ver est sans doute dans le fruit.C'est donc au citoyen -et non au consommateur soumis qui ne veut pas changer de régime- de trouver des solutions. C'est un peu la situation de l'occitanisme qui aujourd'hui se demande comment avancer.Isolé il ne fera que répéter un discours et des pratiques répétitives qui, dans des situations malaisées sont sans solution.Cependant les mouvements sociaux sont bien là, au centre de la vie de chaque jour.Rester aveugle, regarder de l'autre côté de la rue ou rester sourd, ne le fera pas avancer.La question posée est très simple : ou il contribue au remue-ménage des mouvements sociaux qui vont se développer dans les prochains mois, ou il restera dans la situation que nous connaissons. Allez, poussons à la roue et mettons un peu de poivre dans notre moteur, car comme on dit "Qui n'avance pas recule".
|
|
|
| |
|
|
|
