|
|
|
|
 |
Editoriau / Editorial |
 |
 |
Non gastar un "vòte d'espèr". Lo CEBIER N°221- Mai-Junh de 2019 |
 |
|
 |
17 / 06 / 2019 |
 |
| |
Non gastar un « Vòte d’espèr »
L’escrutin dau 26 de mai de 2019 es sensa contèsta un eveniment dins l’escaquier dei rapòrts de fòrça dau sanhàs politic francés : desfacha dei partits tradicionaus de senèstra e de drecha, mai manten dau RN dins lo juec politician ambé lo poder jupiterian, esto marchapè de l’extrema drecha. La traucada de I. Jadòt dins aquel encastre es una respelida d’una partida deis elegeires qu’an decidit de temptar lo cambiament. Lei regionalistas e autonomistas de Regions e Pòbles Solidaris an participat sens estat d’arma a l’escrutin. Perqué ? Aparaires de la democracia territoriala, engatjats dins lei batèstas d’una ecologia politica, an butat a la ròda dempuei d’annadas de militantisme de terren. La tòca èra de faire d’elegits europencs e de refortir lo grop Verds/ALE au Parlament europenc. Capitada per nòstre amic F.Alfonsi (Femu a Corsica). Partida ganhada. Mai d’oblidar pas : 50 dau cent votan totjorn pas…
Pasmens, l’analisi de l’escrutin subretot en Provença, e mai autra part, es pas tant simplassa qu’aquò. Lo vòte d’extrema drecha ven negrejar lo retrach ambé mai de 30% dei votants mentre que lo vòte Jadòt demanda d’explicas mai finas qu’un classament just e just en tresena plaça de l’escaquier. Se França es acostumada ambé una votacion de drecha, lo vòte dau 26 de mai confierma la tendéncia : 55% dei vòtes de drecha còntra 35% de senèstra, la balançada clina dau meteis costat, tot es en plaça per desrotlar lo tapís rotge a l’extrema drecha e aliats.
Unei diràn que la remontada d’un vòte ciutadan es a de se fargar e que le presa de consciéncia de la situacion climatica planetària per la joinessa e una partida de la societat civila a pas dich son darrier mòt. S’aquò va dins lo bòn sens, la situacion politica es pron duberta per trobar solucions. Es a aquò que l’occitanisme politic responsable deuriá s’atalar ; au còp pensar lei condicions d’alianças per lei municipalas. D’alianças confortidas per un « vòte d’esper », sens desconóisser lei situacions localas. Per ganhar de poder e demenir lo vòte que fa crèisser lei batalhons de la deseperança.
Gerard TAUTIL
--------------
Ne pas gâter un "vote d'espoir"
Le scrutin du 26 mai 2019 est sans conteste un événement sur l'échiquier des rapports de force du marais politique français :défaite des partis traditionnels de gauche et de droite, mais maintien du RN dans le jeu politicien avec le pouvoir macronien, ce marche-pied de l'extrême droite.La trouée de Y.Jadot dans ce cadre est une embellie d'une partie des électeurs qui ont décidé de tenter le changement.. Les régionalistes et autonomistes de Régions et Peuples Solidaires ont participé sans état d'âme au scrutin. Pourquoi? Défenseurs de la démocratie territoriale, engagés dans les batailles d'une écologie politique, ils ont été actifs pendant des années de militantisme des années de terrain.Le but était d'avoir des élus européens et de renforcer le groupe Verts-ALE
au Parlement européen. Réussite pour notre ami F. Alfonsi (Femu a Corsica). Partie gagnée. Sans oublier que 50% ne votent toujours pas...
Cependant,l'analyse du scrutin,surtout en Provence,et même ailleurs, n'est pas si simple que cela. Le vote d'extrême droite vient noircir le tableau avec plus de 30% des votants, alors que le vote Jadot demande des explications plus fine qu'un simple classement en troisième place de l'échiquier. Si la France a l'habitude d'un vote de droite, le vote du 26 mai confirme cette tendance : 55% des votes de droite contre 35% de gauche, l'équilibre penche du même côté.; tout est en place pour dérouler le tapis rouge a l'extrême droite et ses alliés.
Certains diront que la remontée d'un vote citoyen est en train de se forger et que la prise de conscience de la situation climatique planétaire par la jeunesse et une partie de la société civile n'a pas dit son dernier mot. Si ce la va dans le bon sens, la situation politique es assez ouverte pour trouver des solutions. Et c'est bien à cela que l'occitanisme politique responsable devrait s'atteler; penser à la fois les conditions d'alliances pour les municipales. Des alliances renforcées par un "vote d'espoir", sans méconnaître les situations locales. Pour gagner du pouvoir et diminuer le vote qui fait croître les bataillons de la désespérance.
|
|
|
| |
|
|
|
