|
|
|
|
 |
Istòria / Histoire |
 |
 |
ISTORIA NACIONALA O CONTRA-ISTORIA ? |
 |
|
 |
| 24 / 12 / 2019 |
400 lu(s) |
 ISTÒRIA NACIONALA Ò CÒNTRA-ISTÒRIAS ?
Davant la presentacion de la França eternela ambé sei mites fondators, podèm excusar lo militant occitan qu’aguèt la tentacion inversa de fargar de mites fondators d’una nacion occitana. Mai ara, lo problèm es pas quò. E me sembla un pauc simplàs de se trufar deis occitans e de s’acontentar d’aquesta denonciation.
Dins nòstra batèsta, de qu’es l’utilisacion deis elements istòrics ?
Podèm trobar d’eveniments que son exemplaris, que podèm utilisar dins nòstra reflexion sus la tòca de la cultura occitana. Pensi qu’avèm de cercar d’exemples istorics coma otís de projècts politics. Au sègle XIII°, leis estatuts de la comuna d’Avinhon son remirables de modernitat : aparament dau nepotisme, responsabilitat deis elegits, proteccion còntra lei trafics ò l’enriquiment dei consuls, ecc.
Es pas per aquò qu’anem dire que Provença es a l’origina d’una republica inconeguda.
L’existencia de minoritats, cataras, jusievas, vaudesas a de nos pausar de questions sens faire dei pais d’òc un paradís de tolerància.
Dins l’arquitectura tradicionala avèm l’exemple d’una ecologia de l’abitat, dins la cosina provençala avèm d’exemples d’alimentacion equilibrada qu’a pas esperar la venguda de la « cuisine crétoise », ecc.
Parier per çò que concernís la situacion de la femna dins nòstra cultura : lo machisme ò lei trobadors ? Avèm de segur de faire la critica dei generalisacions. D’istorians son capables de veire lo debanament d’une Istòria (programada ?) dins una succession d’asards e de trobar la debuta de l’istòria de França dins la preistòria.
Mai es pas enebit de faire coma dins lo proverbi : As de bastir ton ostau amé lei pèiras de ton luòc …
Bernat ELI
|
Retorn
|
|
|
 |
|
|
|
|
