Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

D'aicí e de'n pertot


"CORPORATE", la lenga novèla
16 / 02 / 2021 381 lu(s) 
"CORPORATE", la lenga novèla  

   Se lei paradís fiscaus an pas encar trobat forma e expression novèlas per lei nomar, lo patès manageriau fa flòri d’aquesta passa. Verai, l’evasion fiscala e la frauda venon optimizacion fiscala, es legau qué ! L’Estat macronian, sus lo modèl dei start up (trobaretz lo sens d’esto franglés intraduisible) s’es convertit en maquina dei mòts claus de la pensada liberala. Imaginatz que seretz licenciat de vòstra entrepresa, serà l’escasença d’una novèla aventura, qu’avètz desirat donar una novèla orientacion a vòstra carriera. Podretz ansin prendre lo lead (dirigir) d’una aventura novèla. Vos engardaretz ansin de venir corporate (faiòu) e mieus, podretz èstre fulltime sus lo projècte (trabalhar que sus aquò) … e debriefer (veire ensems) en one to one (totei dos) per èstre focus (concentrat). Dins lo cas que siatz estat mantengut dins vòstra entrepresa, faretz segur qu’aplicar lei process (faretz çò es estat decicit), esperant lo feedback (retorn) deis autrei collaborators (emplegats) ASAP-As Soon As Possible (lo mai lèu) per evitar leis aisses de melhoracion (lei causas que marchan pas) e capitar lo draft (l’assai). Of !

   Es pas tot. S’avètz un call (una sonada) de faire, esperant la validacion (que dison de òc) que vos dirà lo taus dei cargas salarialas (escotissons sociaus). Es mon N+1 (superior ieraquic) que dòna lo fuec verd. D’aquest dreiçatge consent de NOS (l’entrepresa) esperatz gratification (remuneracion) que siatz en fòrça de proposicion (fasètz lo trabalh de quauqu’un autre). Verai, se languís jamai (fau un pretzfach sens relacion ambé mon pòste). Cresi qu’avètz enfin totei lei condicions per brainstormer (chifrar) e descubrir que tot aquò es pas challenging (cagant). Question de temps per respectar lei règlas dau juec, mai tot vèn ben quand avètz pas lo còl tròp redde.
                                                                                                       Marcamau se passeja.
Retorn