Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

D'aicí e de'n pertot


Fèsta dau Pargue 2018 au Plan d'Aups. Fin dei Conseus de desvolopament? Jaumelina ARNAUD
09 / 09 / 2019 372 lu(s) 
Fèsta dau Pargue 2018 au Plan d’Aups
  Fin dei Conseus de Desvolopament ?

Lo projècte de lèi Engatjament e Proximitat dau 17 de julhet de 2019 que comporta un trentenau de mesuras prevei dins son capítol III article 22 de rendre lei Conseus de Desvolopament facultatius , de suprimir lei ponchs de la lèi que definisson lei subjèctes de saisina, sa capacitat d’auto-saisina e l’examen dau rapòrt d’activitat per lo conseu comunautari e metropolitan.
   Lo ministre S.Lecornu ditz que lei fau rendre opcionaus per donar mai de soplessa e de libertat d’iniciativa au conseu comunautari.

   Es pas l’avís de la Coordinacion Nacionala dei Conseus de Desvolopament que considèra que de lei vujar de sa substància va entraïnar son aflaquiment e sa disparicion. Lei benevòles van plus aver fisança e van s’esparpalhar perque van pèrdre l’espèr de contribuir a una construccion mai democratica coma l’a mostrat la demanda dins lo Grand Debat Nacionau.

   Lei CdD son pas simplament de polits objèctes o de polideis invencions, son d’espacis de dialòg entre la societat civila leis elegits ont lei benevòles fan d’òbras despuei mai de 20 ans. Mai aquela fòrça es flaca fàcia ais atacas bòrd que lei benevòles son soventei fes mens ben informats.
                   Lo caractèr facultatiu es donc una vertadiera regression.

   Dins lo Pargue Naturau Regionau de Santa Bauma un CdD existissiá despuei 2013. An modificat son nom en 2018 (avans lo projècte…) per lo sonar Conseu de Pargue. Un biais d’evitar la dificultat per servar lei gràcias dau Conseu Regionau que finança son foncionament e d’accions per valorizar lo territòri ?
                                                                                     Jaumelina ARNAUD
Retorn