|
|
|
|
 |
Editoriau / Editorial |
 |
 |
DRECH d'ASIL e MIGRACIONS. Occitania/Lo Cebier n° 200- Set-Oct. 2015 |
 |
|
 |
06 / 10 / 2015 |
 |
| |
Drech d’asil e migracions
Provença es un condensat istoric dei bastisons territorialas que, jaça per jaça, a vist se constituir d’umanitats desparieras e complementàrias. Venguts dau septentrion o dau Sud, de pòbles an colonizat dins la durada çò que diam ara Provença, aquest espaci de transicion entre Africa e « mar nòstra », entre Nòrd e Sud d’Euròpa. Pre-indos-europencs, Ibèrs, Etruscs, Ligors, Celtics, Grècs, Visigòts, Francs, ambé de remontas d’Africa amaziga, an dubert l’autorota interculturala que faguèt un pais de passatges e de braçatges, Occitania e Provença. Conquistas, exterminacions, excomunicacions, assimilacions, integracions, aitant de mòts qu’escondon de negacions de l’autre. Lei camins de l’identitat diferenciada son pas de bòn faire, va sabèm.
Mai aquestei qu’aparan una identitat francesa de reculons desconoisson l’istòria dei pluralitats etnicas e culturalas. Aquò per dire que lei migracions son de fenomèns costumiers d’istòria que se debanan de contúnia e que lei presentas, subretot au sègle XXI, son qu’una descuberta nècia per lei farlataires d’istòria a la Lavisse que vòlon ignorar qu’un país coma lo nòstre es un pònt de rescòntres pastats d’istòrias que fan l’Istòria.
Es ben de pònt que se tracta, e mai se vèn pònt d’asil. Mai son d’« envasions » e d’ « envasidors », ni cort ni costier, per lo monde de la drecha -extrema o pas- de Le Pen que parla de « fais » a Estrosi que rampela un sosten filtrat per lei Crestians d’Orient e bota en davant la risca de Daesh… ; e pereu lo Sarkosy vèn de descubrir que son totei abonats ais allocacions familialas. Vergonha ! Dubertura e caritat crestianas, leis an compresas a son biais, jamai coma simple drech. Mentre que Alemanha a receuput 450 000 migrants dempuei la debuta de l’annada, França es a mand de restrénher a 20 000. Lei Cadàs que son d’associacions, cridan ajuda e denoncian una politica estrechoneta per respondre a l’urgéncia de responsabilitat.
Seria necite d’agachar darrier e davant se.
Darrier, que sabèm pron que lei guèrras economicas son la racina de l’empauriment dei populacions somessas ai dictaturas. L’escampa religioa fa pas ren a l’afaire e esconde lei responsabilitats premieras. Li avèm nòstra responsabilitat tanben.
Davant, que lo pilhatge dei ressorsas naturalas per lei multincionalas e leis oligarquias en plaça fa pas qu’enfortir leis efècts dau rescaufament climatic engimbrat per la subreproduccion e la corsa au profiech dei país ponentés. Dins aqueleis endevenènças, lei solucions au drech d’asil son de trobar dins l’urgéncia : per lei politics e per lei personas que fugon la misèria e la fam. Drech d’asil sensa demanda dins lo país d’arribada – impausada per leis acòrdis de Dublin. Sensa faire la tria entre leis analfabets e lei diplomatas, leis enfants e leis adults, coma va fa De Maiziere, ministre alemand de l’Interior. E que leis enfants d’Italians, d’Armenians, d’Espanha, de Portugau, de Polonha, d’Alemanha, d’Africa dau Nòrd, se comportan en ciutadans d’una Euròpa richa e quitan de posturas « pichòts blancs » que nos fan rebolhir…
Quichaclau : per que l’Istòria debane son cabadèu de drech, de meditar aquela pensada dau filosòf Jürgen Habermas, europenc convinçut : « L’asil politic es pas afaire de valors- lei charradissas sus lei « valors » m’encanhan-, mai un drech e un drech fondamentau. Aqueste drech non pòu èstre garantit per lei sols governaments. Deu èstre respectat per la populacion tota.»
(13-09-2015)
Gerard TAUTIL
Revirada : http://locebier.free.fr
------------------
DROIT D'ASILE et MIGRATIONS
La Provence est un condensé historique des constructions territoriales qui, couche après couche, a vu se constituer des humanités différentes et complémentaires.Venus du Septentrion ou du Sud, des peuples ont colonisé dans la durée ce que nous appelons aujourd'hui la Provence, cet espace de transition entre Afrique et "mare nostrum", entre Nord et Sud de l'Europe. Pré-indo-européens, Ibères, Etrusques,Ligures,Celtiques,Grecs,Latins,wisigoths, Francs,avec des remontées d'Afrique amazighe, ils ont ouvert la route inter-culturelle qui fit un pays de passages et de brassages, Occitanie et Provence. Conquêtes,exterminations,excommunications,assimilations,autant de mots qui cachent des négations de l'autre. Les chemins de l'identité ne sont pas aisés, nous le savons.
Mais ceux qui défendent une identité française à reculons,méconnaissent l'histoire des pluralités ethniques et culturelles.Ceci pour dire que les migrations sont des phénomènes courants d'histoire qui se déroulent sans cesse, et que les présentes du XXIe siècle, sont une découverte imbécile de la part des falsificateurs d'histoire à la Lavisse qui veulent ignorer qu'un pays comme le nôtre est un pont de rencontres pétri d'histoires qui font l'Histoire.
C'est bien d'un pont qu'il s'agit, même s'il s'agit d'un pont d'asile.Mais ce sont des "invasions" et des envahisseurs, ni plus ni moins, pour les gens de la droite extrême ou pas, de Le Pen qui parla de fardeau à Estrosi qui appelle à un soutien filtré pour les Chrétiens d'Orient et met en avant le risque Daesh...Y compris Sarkosy qui vient de découvrir qu'ils sont tous abonnés aux allocations familiales. Honte à eux! Ouverture et charité chrétiennes, ils les ont comprises à leur manière, jamais comme simple droit. Alors que l'Allemagne a reçu 450 000 migrants depuis le début de l'année, la France est sur le point de les restreindre à 20 000. Les Cadas qui sont des associations, appellent au secours et dénoncent une politique étroite pour répondre à l'urgence de responsabilité.
Il serait urgent de regarder derrière et devant soi.
Derrière, car nous savons bien que les guerres économiques sont la racine de l'appauvrissement des populations soumises aux dictatures. Le prétexte religieux ne change rien à l'affaire et cache les responsabilités premières.Nous y avons également notre propre responsabilité.
Devant, car le pillage des ressources naturelles par les multinationales et les oligarchies en place, ne font que renforcer les effets du réchauffement climatique engendré par la surproduction et la course au profit des pays du Ponent. Face à cette situations, des solutions au droit d'asile doivent être trouvées dans l'urgence: par les politiques et les personnes qui fuient la misère et la faim.Droit d'asile sans demande dans le pays d'accueil - imposée par les accords de Dublin. Sans faire le tri entre les analphabètes et les diplomates, les enfants et les adultes, comme le fait De Maizière, ministre allemand de l'Intérieur. Et que les enfants d'Italiens, d'Arméniens, d'Espagne,du Portugal, de Pologne, d'Allemagne, d'Afrique du Nord, se comportent en citoyens d'une Europe riche et quittent des postures de "petits blancs" qui nous font souffrir.
Conclusion: pour que l'Histoire puisse se dérouler debout, méditons cette pensée du philosophe Jürgen Habermas, européen convaincu :"L'asile politique n'est pas affaire de valeurs - les bavardages sur les "valeurs" m'irritent-, mais un droit et un droit fondamental. Ce droit ne peut être garanti par les seuls gouvernements. Il doit être respecté par toute la population."
|
|
|
| |
|
|
|
