|
|
|
|
 |
Editoriau / Editorial |
 |
 |
Una desesperença dei bèlas |
 |
|
 |
17 / 06 / 2014 |
 |
| |
UNA DESESPERENÇA DEI BELAS
Lei resultats d’aquesta campanha electorala, lo sera dau 23 de mars, remembran aquelei d’abrieu de 2002. Lei sondatges l’avián previst, a quauquei nuanças, la traucada dau FN e la baissa dau PS devián faire l’eveniment. L’espotiment de la senèstra socialista e aligats tèn pas dau prodigi mai d’una situacion sociala tras que malaisada per un electorat populari desvariat. Que dire d’una politica governamentala reversiera, qu’a virat l’esquina ais engatjaments de l’eleccion presidenciala ? La crisi sociala que lo poder non vouguèt veire anoncièt la crisi politica. Leis afars, mediatisats coma jamai dempuei mai d’un an, finissián d’espotir una opinion publica deprovesida de tota reflexion ciutadana : lo « totei poirits » s’apoderava dau juec politic e l’abstencion massiva fasián la diferéncia; la drecha « republicana » non podia esperar mièlhs de son roigatge quotidian per la reconquista dau poder perdut.
Dubertura dei grandas per lo FN qu’entra en scèna e que va prendre de municipalitats pichòtas e mejanas quand fa pas la decision dau dosen torn. Pasmens, dificile d’oblidar la « gestion » de Tolon, Aurenja, Marinhana, Vitròla per lei frontistas. Dificile de pas faire cas d’un partit que lo programa es fosc, antisociau, per pas dire que la question sociala es desconeissuda maugrat la retorica de la Marina. E parlem pas de la question culturala, dei diferéncias ignoradas, dau refús de l’autre rebutats dins un nacionalisme arcaïc eritat d’un centralisme estructurau ben francés, resulta d’una cadena istorica. Lo FN li tròba çai-dintre sei raiç.
Tot es possible encara. E doncas l’impossible seriá de refusar de cambiar de pè per non aprefondir la revirada politica. Lo cambiament de quauquei personas ai responsabilitats, fariá pas que tapar una politica sociala desastrosa sens ges cambiar la situacion. Levat lei dorsiers sensibles que la solucion es a doas votz contràrias (barradura progressiva dei centralas nucleàrias, sistre, granda vitessa, ogm, N-D dei Lanas …), son de responsas claras per l’emplec de prepausar ai ciutadans : energias alternativas, transpòrts de proximitat, refortiment de l’agricultura paisana e dei circuits corts, refortiment dei servicis publics… Mai a encara lo bofe e lo judici aqueste governament per far avançar la maquina sociala sus d’autrei ralhs e refusar l’èrsa de l’austeritat ? Mentre que lei richessas son a bòudre, lo Medef e lei bancas fan la lei, e la pauretat es de montar au pinacle ? Lo vòte sanccion e l’abstencion son a pausar aquela question dins l’urgéncia.
Gerard TAUTIL
24 març de 2014
------------------------
Une très grande désespérance
Les résultats de cette campagne électorale,au soir du 23 mars,rappellent ceux d'avril 2002. Les sondages les avait prévus à quelques nuances près,la trouée du FN et la baisse du PS devaient faire l'événement. L'écrasement de la gauche socialiste et alliés ne tient pas du prodige mais d'une situation sociale très dégradée pour un électorat populaire dérouté. Que dire d'une politique gouvernementale contraire, qui a tourné le dos aux engagements de l'élection présidentielle? La crise sociale que le pouvoir ne voulait pas voir annonçait la crise politique.Les affaires, médiatisées comme jamais depuis plus d'un an, finissaient d'écraser une opinion publique dépourvue de toute réflexion citoyenne : le "Tous pourris" s'emparait du jeu politique et l'abstention massive faisait la différence; la droite "républicaine" ne pouvait mieux espérer de son grignotage quotidien pour la reconquête de son pouvoir perdu.
Grande ouverture pour le FN qui va s'emparer des communes petites et moyennes quand il ne fait pas la décision au deuxième tour.Il est pourtant difficile d'oublier la "gestion" de Toulon,Orange, Marignane,Vitrolles par les frontistes.Il est difficile de ne pas faire cas d'un parti dont le programme est ambigu, antisociale, pour ne pas dire que la question sociale est méconnue malgré la rhétorique de la Marine. Ne parlons pas de la question culturelle, des différences ignorées, du refus de l'autre refoulés dans un nationalisme archaïque bien français,hérité d'un centralisme structurel, résultat d'une chaîne historique...C'est bien là que le FN y trouve ses racines.
Tout est encore possible et donc l'impossible serait de refuser de changer de pied pour ne pas approfondir la déroute politique.Le changement de quelques personnes aux responsabilités ne ferait qu'enfoncer davantage une politique sociale sans rien changer à la situation. Exceptés les dossiers sensibles dont la solution est à deux voix contraires( fermeture progressive des centrales nucléaires,gaz de schiste,grande vitesse,OGM,Notre-Dame des Landes...), il y a des réponses claires pour l'emploi à donner aux citoyens: énergies alternatives,transports de proximité,renforcement de l'agriculture paysanne et des circuits courts, renforcement des services publics...
Mais ce gouvernement a-t-il encore le souffle et le discernement pour pour faire avancer la question sociale sur d'autres rails et refuser la vague de l'austérité? Alors que les richesses sont à foison, le Medef et les banques font la loi et que la pauvreté est en train de monter au pinacle? Le vote sanction et l'abstention posent cette question dans l'urgence.
Gérard TAUTIL
24 mars 2014
|
|
|
| |
|
|
|
