|
|
|
|
 |
Editoriau / Editorial |
 |
 |
AUTA TENSION : L'embuc sociau |
 |
|
 |
06 / 06 / 2014 |
 |
| |
AUTA TENSION… L’EMBUT SOCIAU
Per comprendre la politica d’austeritat que tòrna de lònga ò una decision presa remisa en question, segur, lo coratge politic es pas au rendètz-vos : la politica a vista respond ai necessitats de la creissénça e de la sacro-santa competitivitat, mentre que de milierats d’emplecs son a de dispareisser dins de sectors industriaus. Rentabilitat, delocalisacions obligan. La cèrca de filieras novèlas es pas d’actualitat, nimai la transicion energetica ! Adonc, gaire de davaladors nòus per un sauvetatge dau governament. E lei davalaires son elei au rendetz-vos. Amé ò sens Bonetas Rojas…
Aqueste darrier episòdi ocupa l’avans-scèna : un sinhau a la frontiera entre revendicacions legitimas per l’emplec –regionau ò pas, coma de pertot-, e un mòde de produccion agricòla intensiu tancat dins una carriera bòrnia. Se l’i endralhan d’interès divergents : FNSA productivista, pichòts paisans e pichòts patrons, pichòts mestieraus que fan l’artima, comerçants, drecha extrema, regionalistas …, çò es lo pòble breton dins sa diversitat e sei contradiccions. D’agachar de plus pròchi, de l’ecotaussa dins sa forma actuala, 20% dei somas perceupudas van vèrs lei societats privadas e lei doanas van còntrarotlar lei plus de 3,5T. Lo pichòt transpòrt locau serà penalisat, subretot en l’abséncia de fret ferroviari e maritim, franc dei societats d’autorotas que la taussa serà minorisada. Mai l’ecotaussa es pas qu’una talha de plus, siguèsse remandada a 2014. Dins una region bretona pron enclausada, lo tractament exagonau unifòrme pòt explicar, en partida, lo braç de fèrre… Demòra una responsa a la transformacion locala dei produchs per l’agricultura bretona, una dei solucions possiblas, e la cèrca de transpòrts mens polluents. Es pas tot.
Lo jacobinisme subrecentralisat de picar mai. Sensa ponchejar leis epigòns de servici a la saussa chevenementista, lei sindicats an parlat de defensa dei salaris e de l’emplec -çò es legitim-, mentre que la revendicacion regionala exprimís una demanda de democratisacion dau Tot-Estat républicanista. De pas l’entendre, es refortir la logica presidencialista que lo gaulisme porgiguèt sus un platèu i a seissanta ans. Ne’n patissèm mai.
Se lo « drech au país » tòrna sota lei moviments sociaus, se la Region poncha per dire son existéncia, se l’ecotaussa fa bolegar de monde deis interès despariers e se lei aparaires de l’òrdre fossilisat se meton en travèrs, aqueste moviment sociau en camin va mai luench que la question de l’ecotaussa dins sa forma actuala. Car es totjorn la question centrala per nautrei : de l’ecotaussa a la reconoissença dei régions, avèm coma una escorcha de totei lei questions d’actualitat pausadas. L’ecotaussa es coma la boita de Pandòra que degun pensava durbir e que mòstra a contrario l’evidéncia de la proximitat territoriala.
Gerard TAUTIL
Novembre de 2013
Haute tension : l'entonnoir social
Pour comprendre la politique d'austérité qui revient de nouveau ou une décision prise remise en question, il est certain que le courage politique fait défaut : la politique à vue répond aux nécessités de la croissance et de la sacro-sainte compétitivité, alors que des milliers d'empois sont en train de disparaître dans des secteurs industriels. Rentabilité, délocalisation obligent. La recherche de filières nouvelles n'est pas d'actualité, ni la transition énergétique! Aussi, point de débarcadère pour un sauvetage du gouvernement. Et les descendeurs, eux, sont au rendez-vous. Avec ou sans Bonnets Rouges...
Ce dernier épisode occupe l'avant-scène : un signal à la frontière entre revendications légitimes pour l'emploi- régional ou non,comme partout-, et un mode de production agricole intensif bloqué dans une impasse. Convergent des intérêts divergents : F.N.S.E.A productivistes, petits paysans e petits patrons, petits artisans en train de dépérir, commerçants,, droite extrême, régionalistes..., l'ensemble du peuple breton dans sa diversité et ses contradictions. A regarder de plus près, en ce qui concerne l'écotaxe dans sa forme actuelle,20% des sommes perçues vers aux sociétés privées et les douanes vont contrôler les plus de 3,5 tonnes. Le petit transport local sera pénalisé, surtout en l'absence de fret ferroviaire et maritime, exceptées les sociétés d'autoroute dont la taxe sera minorée. Mais l'écotaxe n'est pas qu'une simple taxe supplémentaire, fût-elle renvoyée à 2014. Dans une région bretonne assez enclavée, le traitement hexagonal uniforme peut expliquer en partie le bras de fer... Reste une réponse à la transformation locale des produits pour l'agriculture bretonne, une des solutions possibles, et la recherche de transports moins polluants. Ce n'est pas tout.
Et le jacobinisme hyper-centralisé de frapper encore. Sens pointer du doigt les épigones de service à la sauce chevènementiste, les syndicats ont parlé de défense des salaires et de l'emploi,ce qui est légitime,tandis que la revendication régionale exprime une demande de démocratisation du Tout-Etat républicaniste. A ne pas l'entndre, c'est renforcer la logique présidentialiste portée sur un plateau par le gaullisme il y a soixante ans. Nous en subissons toujours les conséquences.
Si le "droit au pays" revient sous les mouvements sociaux, si la Région pointe pour rappeler son existence, se l'écotaxe fait bouger du monde aux intérêts différents, et si les défenseurs de l'ordre fossilisé se mettent en travers, ce mouvement social en chemin va plus loin que la seule question de l'écotaxe dans sa forme actuelle. Car c'est toujours la question centrale pour nous : de l'écotaxe à la reconnaissance des régions, nous rencontrons en raccourci toutes questions d'actualité posées. L'écotaxe est comme la boite de Pandore que personne ne pensait ouvrir et qui montre a contrario l'évidence de la proximité territoriale.
Gérard TAUTIL
|
|
|
| |
|
|
|
