|
|
|
|
 |
Editoriau / Editorial |
 |
 |
1539-2013 Lo Rescòntre dau drech reiau e republican |
 |
|
 |
03 / 06 / 2013 |
 |
| |
1539 - 2013
Lo Rescòntre dau drech reiau e republican
L’usatge dei lengas minorizadas es encara rebutat per lo govern de J-M Ayrault. L’ensenhament dins leis escòlas serà pas jamai qu’una « conoissença possibla », au grat deis escolans consents, sens lei mejans assegurats d’un seguit pedagogic e dau refortiment d’un budget pròpri. Deixonne e la lei de 1951 fasian miranda a costat. Per lo « Projèct de refondacion e de programacion per la refondacion de l’Escòla » de V. Peillon, aquest ensenhament se farà « dins l’interés de la lenga francesa ». Mentre que l’englés es impausat ai pichòts sens li demandar que que sia…. E per clavar la comèdia, sens la modificacion de l’article 2 de la constitucion, la Carta europenca - fasem fisança au Conseu constitucionau-, estarà en l’estat amé seis 39 articles de papier, sens ratificacion. Per la question linguistica, l’i a aurà gaire d’estatut legislatiu, adonc ges de reconoissença oficiala dei lengas istoricas de França per la Republica de l’Egalitat e de la Libertat. La reforma passa, Joan trespassa…
Au picar de la dalha, una circulària° que pauc de monde an legit, signada de J-M Ayrault. L’i es dich, a bèus uelhs vesents lei chifras parlan d’esperelei, que l’Edicte de Villers-Cotterêt « faguèt en 1539 dau Francés la lenga de l’administracion e de la justicia fins qu’à l’inscripcion en 1992 dins nòstra Constitucion de la disposicion segon laquala «La lenga de la Republica es lo Françés… » Tautologia, va sabiam, lo solèu arresta pas de se levar sus lo Reiaume de França e de se metre a l’espèra dau passat. Mai, ço mai interessant, es de constatar qu’en drech l’edicte reiau es pas estat abandonat e que justifica per eu sempre l’article 2 de la Constitucion que nos porgèt lo Bòn Toubon…au nom de l’aparament de la lenga francesa còntra l’englesa…Cocanha ! En drech modèrn faudria se demandar se J-M Ayrault outrapassa pas la règla republicana e se poiria pas èstre perseguit davans una juridiccion republicana, estonant que ! Una idèa de cavar !
Per enfortir aquela segrenosa colhonada, lo Ministre de s’adreiçar a sei Sota-ministres per li impausar de « promoure lo francés fòra nostrei confinhas, ne’ n favorisar l’usatge dins nostre pais, de començar per l’ensems dei representants de l’Estat ». Se tracta pas de « globish francés ». Mai lo metge recomanda una basa de donadas, « France Terme, richa de pus de 6000 mòts ». Perque parlar de bilinguisme ambé lei lengas « regionalas » ? La messa es dicha : 1539-2013, la Paraula« republicana » nos indica quunei son lei diferéncias indefugiblas : parlar francés e pas que francés per lei causas seriosas. Quasi cinc cents ans per faire desparéisser de lengas istoricas au nom de l’unitat de la nacion, sota l’aflat d’un edicte reiau, d’un article constitucionau e de circulàrias ministerialas ò administrativas... La fòrça e la flaquesa d’aquela nacion es de parlar dei drechs de l’Ome en s’apielant sus una juridiccion reiala e de devesir lei ciutadans. Demonstracion es facha que siam ben en monarquia republicana ! Amara es la potinga, avèm de nos faire de lagui .
Gerard TAUTIL
13 Mai 2013
°Circulària relativa a l’emplec de la lenga francesa, 25-04- 2013
-------------------
1539-2013
La Rencontre du droit royal et républicain
L'usage des langues minorisées est encore refoulé par le gouvernement de J-M Ayrault. L'enseignement dans les écoles ne sera qu'une "connaissance possible", selon la volonté des écoliers, sans les moyens assurés d'un suivi pédagogique ni du renforcement d'un budget propre. Deixonne et la loi de se 1951 faisaient merveille en comparaison. Pöur le "Projet bde refondation et de programmation pour la refondation et la refondation de l'Ecole" de V.Peillon, cet enseignement se fera "dans l'intérêt de la langue française". Tandis que l'Anglais est imposé aux enfants sans leur demander quoique ce soit... Et pour achever cette comédie, sans la modification de l'article 2 de la constitution, la Charte européenne -faisons confiance au Conseil constitutionnel-, restera en l'état avec ses 39 articles de papier, sans ratification. Pour la question linguistique, il n'y aura aucun statut légilatif, donc aucune reconnaissance officielle des langues historiques de France par la République de l'Egalité et de la Liberté. La réforme passe,c'est le nec plus ultra...
Au coeur du problème, une circulaire°que peu de gens ont lue, signée de J-M Ayrault. On y dit , de toute évidence les chiffres parlent d'eux-mêmes, que l'Edit de Villers-Cotterêt "fit en 1539 du français la langue de l'administration et de la justice jusqu'à l'inscription en 1992 dans notre Constitution de la disposition selon laquelle "la langue de la République est le Français...". Tautologie, nous le savions,le soleil n'arrête pas de se lever sur le Royaume de France et d'être à l'affût du passé.Mais ce qui est encore plus intéressant, c'est de constater qu'en droit l'édit royal n'a pas été abandonné et qu'il justifie par lui-même l'article 2 de la Constitution que nos donna le Bon Toubon... au nom de la défense de la langue française contre l'anglaise...peu importe! Endroit moderne il faudrait se demander si J-M Ayrault outrepasse la règle républicaine et s'il ne pourrait être poursuivi devant une juridiction républicaine, étonnat, non? Une idée à creuser!
Et pour renforcer cette sinistre stupidité, le Ministre de s'adresser à ses sous-ministres pour leur imposer de "promouvoir le français au-delà de nos frontières , en favoriser l'usage dans notre pays, à commencer par l'ensemble des représentants de l'Etat." Mais le médecin recommande une base de données, "France Terme, riche de plus de 6000 mots".Pourquoi alors, parler debiliguisme et de langues "régionales"? La messe est dite : 1539-2013, la parole "républicaine" nous indique quelles sont les différences incontournables : parler français et que français pour les choses sérieuses.Presque cinq cents ans pour faire disparaître des langues historiques au nom de l'unité de la nation, sous l'égide de d'un édit royal, d'un article constitutionnel et de circulaires ministérielles ou administratives... La force et la faiblesse de cette nation est de parler des Droits de l'Homme en s'appuyant sur une juridiction royale et de diviser les citoyens.
Démonstration est faite que nous sommes bien en monarchie républicaine! Amère est la potion, nous avons du souci à nous faire.
Gérard TAUTIL-13 Mai 2013
°Circulaire relative à l'emploi de la langue française.
25 avril 2013.
|
|
|
| |
|
|
|
