Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Editoriau / Editorial

GES DE RETORN EN ARRIER! (Lo Cebier n°128)

06 / 06 / 2012 

Ges de retorn en arrier!

    L’i siam : la senèstra a ganhat amb’un escòre juste, mai a ganhat, l’aguessiam ganhat per defaut o per substitucion a l’òme qu’aviá tot fach per perdre… Lo Sarkosy, l’òme dei refòrmas antisocialas, de l’ultra-liberalisme descabestrat, de la retorica nacionalo-racista ambé seis acolites pas tròp  regarjant sus leis arguments emplegats.., aviá fach lo plen dei maucontents. D’unei dien qu’es aquò la rason premiera de la victòria de F.Hollande. Se per nautrei, siam per va pensar en partida, es mai que mai per aver mes sa campanha au centre e ansin rabalhar de vòtes un pauc de pertot, qu’a ganhat.

    E per epilogar pas, esperam la seguida deis engatjaments de son programa. De totei lei ponchs sensibles que pòdi pas aicí espepidonar, -que se tracta dau nucleari e deis energias renovelablas, de la reforma territoriala e dau pes dau despartament que serà mantengut a costat de la region, de la creissènça que lo contengut dei filieras nòvas es jamai precisat, e mai sus Euròpa…- remandi vòstre judici a la question lingüistica. F.Hollande s’es engatjat dins son programa sur la ratificacion de la Carta europenca dei lengas régionalas e minoritàrias. Dins sa campanha ne’n diguèt pas manco un mòt, çò que nos tafurèt ja sus seis intencions vertadieras. Ara que lo governament se met en plaça e que lo pensament d’una majoritat es premier, intram dins la temporada dei prioritats que farà la diferència per lei decisions a prendre. Per tant que sachi, la decision sus la question de la Carta es  luenh d’èstre ganhada. Coma farà lo president per ratificar sens modificar l’article dos de la constitucion ? Tornam a la question qu’es ja estada reglada per lo bescontorn de l’article 75/1 que nos remanda au patrimòni poussós, sens efèct intitucionau e sens relacion ambé un usatge public de la lenga. Aquel article es estat conceuput per pas mai rescontrar la censura dau Conseu constitucionau…Ne’n conoissètz la seguida : pas que de notificacions çai e lai avortadas e sens portada sociala per la lenga. Pas manco una circulara  Savary bis coma dau temps de Mitterrand. Alora parlar de lei…En 2007, lo Sarkozy nos aviá ja fach promessa per refusar puei tota avançada. Esperam que la responsa de F. Hollande serà d’una autra banasta e sens retorn en arrier. Mai mèfi ! Per escondut que sigue lo fuec, totjorn lo fum pareis…  


                                                                                                                                                                             Gerard TAUTIL
                                                                                                                                                                      Revirada : http://locebier.free.fr
------------------------

Pas de retour en arrière!

  Nous y sommes! La gauche a gagné d'un poil, mais elle a gagné, même si c'est par défaut ou substitution à l'homme qui avait tout fait pour perdre... Sarkozy, l'homme des réformes anti-sociales,de l'ultra-libéralisme fou, de la rhétorique nationalo- raciste avec ses acolytes pas trop regardant sur les arguments utilisés..., avait fait le plein des mécontents. Certains disent que c'est là la raison première de la victoire de F.Hollande. Si nous le pensons en partie,c'est surtout pour avoir fait campagne au centre et ainsi récupérer des votes largement qu'il a gagné.

Pour ne pas épiloguer, attendons la suite des engagements de son programme. De tous les points sensibles que je ne peux ici analyser -qu'il s'agisse du nucléaire et des énergies renouvelables,de la réforme territoriale et du poids du département qui sera maintenu à côté de la région,de la croissance dont le contenu des filières n'est jamais précisé, comme sur l'Europe...-, je vous renvoie avec discernement à la question linguistique. F. Hollande s'est engagé dans son programme sur la ratification de la Charte européenne des langues régionales et minoritaires. Au cours de sa campagne, il n'en a dit mot,ce qui nous préoccupa sur ses intentions véritables. Maintenant que le gouvernement se met en place et que le souci d'une majorité est prioritaire, nous entrons dans une période de priorités qui fera la différence entre les décisions à prendre. Pour autant que je sache, la décision sur la Charte est loin d'être gagnée. Comment fera le président pour ratifier sans modifier l'article deux de la constitution? Nous retrouvons une question jamais réglée par le subterfuge de l'article 75/1 qui nous renvoie au patrimoine poussiéreux, sans effet institutionnel et sans relation avec un usage public de la langue. Cet article a été conçu pour ne pas rencontrer la censure du Conseil constitutionnel...Vous connaissez la suite: de simples notifications ça et là avortées et sans portée sociale pour la langue. Même pas une circulaire Savary bis comme du temps de Mitterrand. Alors parler de loi... En 2007, Sarkozy nous l'avait déjà promise pour refuser ensuite toute avancée. Nous espérons que la réponse de F.Hollande sera d'un autre tonneau, sans retour en arrière. Mais attention! Pour caché que soit le feu, la fumée finit toujours par apparaître...
                    


Leis editoriaus precedents