|
|
|
|
 |
Editoriau / Editorial |
 |
 |
PINOQUIOSI |
 |
|
 |
30 / 11 / 2011 |
 |
| |
PINOQUIÒSI
Lo nucleari es au còr de la batèsta politica, aquela energia centralizada que nos pòrta la fada Electricitat. Ambé 58 reactors en activitat, siam lei melhors, e d’unei serián arrestats (se parla, estimacion variabla, de 2 a 24 per 2025!) estent l’acòrdi entre socialistas e ecologistas. Segur, aquò’s pas acordable ambé lo grop de pression nucleari (Areva, EDF, …). Tre l’anóncia de l’acordança, lo President s’es portat a l’endavant de la contèsta e nos diguèt que l’industria francesa fariá l’artima : perda d’emplecs, demoliment pus car que la bastison d’autrei reactors. Au còp, TF1 declara encuei que Areva seriá a mand de licenciar…! Pasmens, parla gaire lo president dau demoliment de Super-Fenís que costèt non pas 900 milions d’euros coma EDF va diguèt, puslèu vint còps mai… Es mut sus leis emplecs per obratge de demoliment (550 per Super-Fenis).E d’aquesta messòrga, lo Sarkozy t’afortisse que l’electricitat de la mainatgiera aumentarà de 67%, pas qu’aquò!
Silenci sus leis energias alternativas, l’isolacion termica dei bastiments, ostaus e locaus industriaus, que fan baissar la consomacion.
Silenci sus lei sites per lei degalhs nuclearis que son mandats fòra França ò enfoiuts dins lei 1160 sites que còstan encara mai car que se pensava.
Silenci sus lei dos a tres cents mila emplecs dins lo malhum deis energias renovelablas.
E nos paralarà pas lo President dei 50 000T d’uraniom apaurit cada an e recicladas dins l’industria de l’armament per utilizacion en Libia ò autra part. De bordilhiers a cèu dubèrt! Messòrgas a cha dotzena...
Sensa comptar la possibilitat d’un Focochimà dins nòstrei regions que serà pas mendre tant au Nòrd coma au Sud de Lèira. M’enfin, de tant que l’auvari tombe pas sus l’Elisèu, es coma la resulta dau rescaufament climatic que coneissèm encar aqueste mes de novembre : basta que passe cò dau vesin ! Messorguier de tria e innocentissime Pinoquiòsi, avalisca!
Gerard Tautil (22/11/2011)
Traduccion : http://locebier.free.fr
------------------------
PINOCHIOSY
Le nucléaire est au coeur de la bataille politique, celle de l'énergie centralisée que nos apporta la fée Electricité. Avec 58 réacteurs actifs, nous sommes les meilleurs, et certains seraient arrêtés (on parle, estimation variable, de 2 à 24 en 2015), sur la base de l'accord entre socialistes et écologistes. Il est certain que cela ne convient pas au groupe de pression du nucléaire (Areva, EDF). Dès l'annonce de cet accord, le président a pris le devant de la contestation et nous a dit que l'industrie française serait au bord du gouffre: perte d'emplois, démolition qui reviendrait plus chère que la construction d'autres réacteurs. Au même moment, TF1 déclare aujourd'hui que Areva serait sur le point de licencier...! Cependant, le président ne dit rien sur le démantèlement de Super Phoenix qui coûta, non pas 900 millions d'euros comme le disait EDF, mais plutôt vingt fois plus... Il est également muet sur les emplois induits par le démantèlement (550 pour Super Phoenix).Avec ce mensonge, Sarkozy affirme que l'électricité des ménages augmentera de 67%. Rien que cela!
Silence sur les énergies alternatives, l'isolation thermique des bâtiments, maisons et locaux industriels, qui font baisser la consommation.
Silence sur les sites pour déchets nucléaires qui sont envoyés hors de France ou enfouis dans les 1160 sites qui coûtent encore plus chers que l'on pensait.
Silence sur les deux à trois cents mille emplois du réseau
des énergies renouvelables.
Et il taira les 50 000T d'uranium appauvri par an et recyclées dans l'industrie de l'armement,utilisées en Libye ou ailleurs. Des décharges à ciel ouvert! Mensonges à la douzaine...
Sans compter la possibilité d'un Fukuschima dans nos régions qui ne sera pas moins grave au Nord qu'au Sud de la Loire. Mais enfin, tant que l'accident ne tombe pas sur l'Elysée, c'est bien comme les effets du réchauffement climatique que nous connaissons encore ce mois de novembre : pourvu que cela se passe chez le voisin ! Menteur d'excellence et innocentissime Pinochiosy, allez au diable!"
|
|
|
| |
|
|
|
