|
|
|
|
 |
Editoriau / Editorial |
 |
 |
Indigna ò indignada? |
 |
|
 |
15 / 07 / 2011 |
 |
| |
Indigna ò indignada?
Se ditz a bodre que Grècia e Euròpa son ligadas per istòria e civilizacion. Se ditz tanben que la situacion economica dei país que venon d’intrar dins l’Euròpa dei vint-e-sèt (deman vint-e-uech ambé Sèrbia...) es a de se debanar ambé lo scenari mai catastrofic que sieche...Euròpa qu’es pas filantròpa demanda a Grécia (après Portugau, Irlanda ,Lituània...) de se sarrar la cencha. Lo monde de la peissalha se revòuta, leis indignats tapan lo parlament grèc e fan de repetum, lei carrieras venon luec de contèstas ciutadanas fòrtas. Après una ajuda d’Euròpa, un apondon es previst. Cu vèn?
Crèsi que siam au bot dau bot d’una Euròpa liberala que la finança es a de prendre definitivament la direccion...politica. Lei bancas nacionalas qu’an investit dins lo deute dei pais en dificultat son pas que lei partidas mai visiblas de la liberalizacion sauvaja d’una economia mondializada. E mai, la « regulacion », crisi après crisi, que parlam dempuei leis annadas cinquanta, a passat dau public au privat. Ara, per d’economistas mai critics, sembla que lei bancas seràn oblitjadas de tornar a un contraròtle nacionau. La responsa en chancèla es tanben lo retorn a la centralizacion estatala dei capitaus per lei país riches e dau Sud mens dubèrts ai fenomèns de circulacions financieras. Malaisat d’estimar aquestei rapòrts macroeconomics e lei consequéncias per lei regions d’Euròpa, somesas ai moviments d’un mercat deregulat fins ara.
E per nautrei ? L’interregionalitat es pas que premícias per una Euròpa intergovernamentala tapada de retro-nacionalismes. Segur, la responsa ai crisis repetidas es pas que regionala; mai lei regions que tròban de mejans pròpris de desvolopament son en situacion de resisténcia mai aisada. Per ara, lo retorn a de regulacions mai nacionalas nos aluncha d’una Euròpa dei régions, que la banca federala responde sempre ai situacions de crisi dins l’urgéncia sota la quichada deis Estats. E lo FMI de DSK, lo keynesian, vendrà deman encara mai liberau? L’Europa deis Estats sembla, per ara , barrar tota perspectiva ciutadana. Es aquí que se tròba una responsa fòrta : la libertat dei pòbles depende pas d’expèrts financiers mai se farà pereu dins leis iniciativas socialas que podràn engimbrar. Alora, serà indigna ò indignada la vièlha dòna Euròpa? Se lo quichaclau es pas clavat, i a de mòts que, de còps, retrason a l’òr...
Gerard Tautil
revirada : http://locebier.free.fr
-------------------------
Indigne ou indignée?
On dit bien que la Grèce et l'Europe sont liées par leur histoire et leur civilisation.On dit aussi que la situation économique des pays qui viennent d'entrer dans l'Europe des vint-sept (demain vingt-huit avec la Serbie...)se déroule selon un scénario on ne peut plus catastrophique ...L'Europe qui n'est pas philanthrope demande à la Grèce (après le Portugal, l'Irlande, la Lituanie...) de se serrer la ceinture. Les petites gens se révoltent, les indignés barrent l'accès au parlement grec et manifestent, les rues deviennent des lieux de contestation citoyenne importante. Après une aide de l'Europe, un apport nouveau est prévu. A qui le tour?
Je crois que nous atteignons le plus bas niveau d'une Europe libérale dont la finance est en train de prendre définitivement la direction...politique. Les banques nationales qui ont investi dans la dette des pays en difficulté ne sont que les parties les plus visibles de la libéralisation sauvage d'une économie mondialisée. Même la "régulation",crise après crise,dont on nous parle depuis les années cinquante, est passée du public au privé. A présent pour les économistes les plus critiques, il semble que les banques seront obligées de revenir à un contrôle national. La réponse en question est aussi le retour à la centralisation étatique des capitaux pour les pays riches et du Sud moins ouverts aux phénomènes de circulation financières. Il est difficile d'estimer ces rapports macroéconomiques et leurs conséquences pour les régions d'Europe soumises aux mouvements d'un marché déréglé jusqu'à présent.
Et pour nous? L'inter-régionalité n'en est qu'à ses débuts pour une Europe intergouvernementale bourrée de rétro-nationalismes. Certes, la réponse aux crises à répétitions n'est pas que régionale; mais les régions qui trouvent des moyens propres de développement résistent plus facilement.En ce moment, le retour à des régulations plus nationales nous éloigne d'une Europe des régions dont la banque fédérale répond toujours aux situations de crise dans l'urgence et sous la pression des Etats.Et le FMI de DSK, le keynésien,deviendra-t-il demain encore plus libéral? Pour le moment,l'Europe des Etats semble faire obstacle à toute perspective citoyenne. Or, c'est ici que se trouve une réponse forte: la liberté des peuples ne dépend pas d'experts financiers mais se fera aussi dans des initiatives sociales dont ils prendront l'initiative.Alors, cette viei dame Europe, sera-t-elle indigne ou indignée? Si le dénouement n'est pas encore terminé, il y a des mots qui, des fois,valent leur pesant d'or...
Gérard Tautil
|
|
|
| |
|
|
|
