Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Editoriau / Editorial

LO JAUSSEMIN DEI POBLES (Lo Cebier n°121)

26 / 01 / 2011 

LO JAUSSEMIN DEI PÒBLES

   1962.
   Cresegueriam virar la pagina de la colonizacion ambé lo fracàs de « l’Argeria francesa ». Lo colon laissèt plaça au borgés nacionalista butassat per lei pòbles. De Gaulle aviá comprés que la grandor anava a la bedola, e que seriá necite a França de trobar de relèus politics per lei ressorsas petrolièras e minieras qu’aviá de besonh. Metèt en plaça lo regim presidenciau que conoissèm dempuei. Lei governaments de la « França Africa » s’afrairèron am’èu sens barjacar. D’Argier a Tunís e Rabat, lo Magrèb -amazig e arabisant- semblava passar aquela pontanada segrenosa e metre en plaça una democratizacion esperada. De badas, corrupcion e esplecha dei bens e dei personas contunhèron au profiech dei mai riches. La reconoissença dei diversitats culturalas, dins un monde fòrça amazigofòn, siguèt reprimida.

    2011.
    Après la revirada (esperam !) dau regim clanic tunisian e de sa borgesia sostenguda per França e totei sei regims, per lo silenci d’Euròpa e de son mercat, per la corsa a la grupia toristica, vaquí un monde que s’enaura e voù viure d’espersé. Lo continent Africa, aqueste breç de l’umanitat, rebuta a cha pauc lei dictaturas ajudadas o non per l’imperialisme occidentau. E lei situacions son complèxas coma en Còsta d’Evòri : un capcan caça l’autre? Es vengut lo temps dei pòbles ? Se la dubertura s’es facha de l’autre costat de la mediterranèa, vès l’Orient Pròchi e l’Africa Negra, la pauretat dei pòbles pica totjorn a nòstra pòrta. Es aquí la trapa per la senèstra europenca, subretot quand lei populismes creisson gràcias au vuege de proposicions. Coma ajudar de pòbles aclapats de misèria quora l’Occident contunha de practicar l’escambi inegau?

   E ara, la fractura ecologica qu’es la resulta dau sistèma d’espleicha deis òmes, dei terradors e dei nacions, degalha lei condicions de vida e renfòrça leis agressions socialas. Lei mars se vuejan, leis energias fossilas demenisson, la corsa nucleària s’enfortis. Son lei mai paures que ne’n conoisson lei barrutladas, lei reviraments dau climat e lei consequéncias per totei leis economias tradicionalas que subrevivon au mercat mondializat. Siam arribats au ben bot d’un logica dessenada : de còps, lo sistèma productivista modelizat per leis empèris part en barigola. Quauque còp, una fendascla dins la paret laissa veire un pauc de cèu blau. De còps, sembla lo monde cambiar maugrat lei Ben Ali de totei lei país. Lo jaussemin dei pòbles es la responsa fòrta a la richessa confiscada e a la dominacion politica.

                                                                                                                        
                       Gerard Tautil(17/01/11)



                LE JASMIN DES PEUPLES
  
   1962.
   Nous avions crû tourner la page de la colonisation avec le fracas de "l'Algérie française". Le colon laissa place au bourgeois nationaliste poussé par les peuples. De Gaulle avait compris que la grandeur s'en allait et qu'il fallair trouver de façon urgente des relais politiques pour les ressources pétrolières et minières dont elle avait besoin.Il mit en place le régime présidentiel que nous connaissons depuis. Les gouvernements de la "France Afrique" s'en emparèrent sens hésiter.D'Alger à Tunis et Rabat, le Maghreb,- berbérophone et arabisant- semblait dépasser cette sombre période  et mettre en place une démocratisation si attendue.En vain,corruption et exploitation des biens et des personnes continuèrent au profit des plus riches.La reconnaissance des différences culturelles dans un monde majoritairement berbérophone fut réprimée.

  2011
  Après l'échec, nous l'espérons, du régime clanique tunisien et de sa bourgeoisie soutenue par la France et tous ses régimes,par le silence de l'Europe et de son marché,par la course à la manne touristique, voici un monde que se dresse et veut vivre par lui-même.Le continent Afrique, ce berceau de l'humanité,refoule peu à peu les dictatures aidées ou non par l'impérialisme occidental.Et les situations sont complexes, comme en Côte d'Ivoire: un chef de clan chasse l'autre? Le moment des peuples est-il venu?  Si l'ouverture s'est faite de l'autre côté de la Méditerranée,vers le Proche-Orient et l'Afrique Noire,la pauvreté des peuples frappe toujours à notre porte.C'est bien là le piège tendu à la gauche européenne, surtout quand les populisme se développent face au vide de propositions.Comment aider des peuples écrasés de misère quand l'Occident continue de pratiquerl'échange inégal?

   Et maintenant,la fracture écologique qui résulte du système d'exploitation des hommes , des territoires et des nations, dégrade les conditions de vie et aggrave les agressions sociales.Les mers se vident, les énergies fossiles diminuent,la course au nucléaire s'accélère.Ce sont les plus pauvres qui en subisent les secousses, les écarts climatiques et les conséquences pour toutes les économies traditionnelles qui survivent au marché mondialisé. Nous sommes tout au bout d'une logique folle: des fois le modèle productiviste imposé par les empires se délite. Parfois, une fente dans le mur laisse entrevoir un peu de ciel bleu.Quelquefois, le monde semble changer malgré les Ben Ali de tous les pays. Le jasmin des peuples est la réponse forte à la richesse confisquée et à la domination politique.


Leis editoriaus precedents