Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Editoriau / Editorial

Entre "reformas" e paur organisada (Lo Cebier N°119) -

18 / 10 / 2010 

Editoriau

Entre “reformas” e paur organisada

   La rintrada sociala es estada l’ocasion per la premsa  e lei mediàs de sotalinhar la parentèla de nòstre president ambé lei caps d’Estat que, quora dins la segonda Republica, quora la tresena, (e perque pas la cinquena?) an legitimat un poder personau e escampat a la bedola un Parlament gropion. Siá amics dei generaus, sostenguts per lo monde dei financiers e banquiers, deis especulators e acaparraires de bens, an esquichat la peissalha, siá tot au còp an prés plaça dins la galariá dei mascs dau poder illimitat. Victor Gèlu a denonciat e escupit sus aqueste sac de garris. D’autrei l’an fach adarré. Encuei, leis afaires fan coa.  Sembla qu’aquela grana de colhon es pas agotabla...

   Anatz pas creire qu’es lo cas de nòstre Nicolau nacionau. Que nani, fa mièlhs qu’aquò! Vos parlarai pas de la raissa de vent reformator qu’a secutat la societat : retirats, pre-retirats e joves a la cauma, fremas sota-pagadas dins l’escala de la carta, bloquier fiscau per lei riches. Laissi de caire de menudalhas coma la recentralisacion dei collectivitats, lei promessas non tengudas sus lei lengas regionalas, la cagada vouguda dau Grenelle de l’environament. Basta, la totala e n’oblidi...

   Non, viatz, çò que podèm pas oblidar es lo còp de l’identitat nacionala au dintre de la crisi economica e sociala, nimai lo retorn dau baston securitari e ara la menaça dau terrorisme que compelis la democracia  e la tradicion d’aculhença de l’Autre... Après l’immigracion, la paur dei Ròms que lo chifratge dau retorn “charterisat” es vengut realitat. La vindicta dau ministre (que coneis pas lei circulàrias de son ministèri), una pantalonada de mai ò una carretada etnicista organizada? Vos laissi la chausida dins un temps pròchi que la remembrança nos seguis e que la Comission europenca s’inquieta. La paur, aisina dei dictaturas, tapa tot. Avèm aquí passat l’òsca. E se lo monde es a cambiar mai lèu que cresèm, esperem pas passivament la seguida d’aqueste prològ segrenós.

Gerard TAUTIL



               Entre "réformes" et peur organisée

  La rentrée sociale a été l'occasion pour la presse et les médias de souligner la parentèle de notre président avec les chefs d'Etat qui, soit lors de la Seconde République, soit de la Troisième (et pourquoi pas la Cinquième?) ont légitimé un pouvoir personnel et jeté au rebut un Parlement croupion. Soit amis des généraux, soutenus par le monde des financiers et des banquiers, des speculateurs et cumulards de biens, ils ont pressuré le menu fretin, soit souvent ont pris plaçe dans la galerie des apprentis sorciers du pouvoir sans limite. Victor Gélu a denoncé et craché sur ce panier de crabes. D'autres ont suivi. Aujourd'hui, les affaires se succèdent sans fin. Il semble que cette graine de couillons n'est pas tarie...

   N'allez pas croire que c'est le cas de notre Nicolas national. Que nenni, il fait bien mieux. Je ne vous parlerai pas du coup de vent réformateur qui a secoué la société : retraités, pré-retraités et jeunes au chômage, femmes sous-payées dans l'échelles des salaires, bouclier fiscal pour les riches. Je laisse de côté les broutilles comme la recentralisation des collectivités, les promesses non tenues sur les langues régionales, l'échec lamentable et volontaire du Grenelle de l'environnement. Bref, la totale et j'en passe...

   Non, voyez-vous, ce que nous ne pouvons oublier, c'est le coup de l'identité nationale au coeur de la crise économique et sociale, ni le retour de bâton sécuritaire et maintenant la menace terroriste qui vient à bout de la démocratie et de la tradition de l' accueil de l'Autre... Après l'immigration, la peur des Roms dont l'hypothèse d'un retour "charterisé" est devenue réalité. La vindicte du ministre (qui ne connaît pas les circulaires de son ministère), una bouffonnerie supplémentaire ou une charreté ethniciste organisée?  A vous de choisir alors que l' histoire proche nous poursuit et que la Commission européenne s'inquiète. La peur, instrument des dictatures, masque tout. Nous avons ici dépassé les bornes. Et si le monde change plus vite que nous le croyons, n'attendons pas passivement la suite de ce sinistre prologue .

                                                    Gérard Tautil




Leis editoriaus precedents