|
|
|
|
 |
Editoriau / Editorial |
 |
 |
Jòcs Olimpics : 2012 - França : 0 |
 |
|
 |
24 / 03 / 2005 |
 |
| |
Olimp e la diversitat culturala :
Jòcs Olimpics : 2012 -França : 0 (N°87)
La comission per la chausida d'una vila per lei J.O. 2012 fa visita a França dau 9 au 13 de març per fins d`estimar lo dorsier parisenc. A aquela escasença lo Partit Occitan tòrna dire son oposicion au desbanament deis olimpiadas dins la capitala francesa per tres rasons.Tròp de temps fa que la concentracion dei decisions e dei mejans economics dins I’Illa de França sola adutz a l'escanament e la desertificacion deis autrei regions, aquò dins una vista istorica d'eradicacion d'autre centre possible e dins la determinacion de manténer aquela politica.París demanda uèi a totei lei ciutadans dau territòri francés de portar lei frais de campanha per li permetre d'organizar lei J.O. e per de dire de ne’n aprofichar soleta.
D'autrei país europencs an ja organisat lei J.O. dins de vilas que son pas sa capitala (Munich en 1972, Barcelona en 1992). París, que ja aculhiguèt dos còps leis olimpiadas, s'autoproclama candidata unenca e persista de veire dins leis autrei vilas solament de sostens financiers per servir seis interès pròpris. Lo centralisme parisenc mena França a èstre l'un dei darriers país d'Euròpa que refusa de ratificar tant la Carta europenca dei lengas minorizada coma la convencion cadre sus lei minoritats. Maugrat lei demandas repetidas dau Parlament europenc e dau Comitat dei drechs economics,sociaus e culturaus dei Nacions Unidas, França s'opausa mai que mai a la ratificacion dei convencions internacionalas qu'aparan lei diversitats culturalas.
Chausir París coma vila d'accuèlh deis olimpiadas seriá balhar tornamai un sosten a l'intolerància e au non-respèct dei drechs culturaus, doei actituds incompatiblas amé l'esperit dei jòcs.Lo Partit Occitan demanda donc a la comission d'evaluacion dau C.I.O. de refusar la candidatura de París au profiech d'una vila e d'un país mai respectuós dei drechs politics e culturaus dei minoritats.
Partit Occitan
Lo Partit Occitan es membre de la federacion « Regions e Pòbles Solidaris » que recampa l’Union Democratica Bretona (UDB), Frankiz Breizh (Bretagne), lo Partitu di a Nazione Corsa (Corsega), lo Bloc Català (Catalonha), Esquerra Republicana de Catalunya (Catalonha), lo Partit Nacionalista Basc (EAJ-PNB), Eusko Alkartasuna (Paìs Basc), lo Movement Region Savòia (MRS) et l’Union del Pòble Alsacian (UPA). La Liga Savosiana e Abertzaleen Batasuna son observators.
|
|
|
| |
|
|
|
