Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Editoriau / Editorial

Fuòc e còntra-fuòcs

19 / 09 / 2003 



FUÒCS e CÒNTRA-FUÒCS

« Lei consequéncias umanas e environamentalas deis incendis d’aquest estiu son jamai estadas tant calamitosas despuei la debuta dau sègle passat. Dins lei Mauras e l’Esterèu, sèt personas, ambé tres pompiers, an perit dins lei flamas ; quasi trenta mila ectaras de seuvas e garrigas son partits en fum. Provença, mai que tota autra partida d’Occitània ò de l’exagòn, per sei relargs boscós es un territòri fòrça perilhós... Avèm, despuei de temps, assajat de far ausir  nòstre messatge per una prevencion mesurada e per un desvolopament dau trabalh  deis especis (euse, rore, pins, castanhier). La dificultat dau relèu, la qualitat deis esséncias chausidas per far regrelhar son estats un argument desfavorable per contunhar aquesta politica bòrnia que condamna nòstrei sites naturaus. La politica de l’O.N.F, subretot per sei plantacions resinosas ancianas e recentas, fin finala a pas cambiat. La proprietat fonciera privada es estada l’argument per estar immobil. E de qué pensar de l’inaplicacion de la lei sus la bastison dins lei seuvas, ignorada, en majoritat, per lei cònses varés e “còstazurencs”? Tròp d’interès fonciers e immobiliers grandàs son passats davant la volontat pichoneta deis elegits de tota mena. Tanben per nautrei, lo classament en pargue regionau es ço mens marrit quand ren es estat riscat. Mai apara gaire nòstrei relargs vastes d’un acte criminau.

La soleta solucion  d’avenidor es de tornamai agachar au còp aquestei mitans  naturaus coma de reservas de biosfèra, de ressorças productritz e creatritz d’emplecs au país, de territòris per un torisme verd sota susvelhança. Es a la Region, dotada dei mejans apropriats, de venir Majorala  d’aquela politica de seguretat e de desvolopament de la vida de nòstrei  bòscs. Son aicí lei vertadiers còntra-fuòcs.

Se refusan, testa d’aquí, de tornar pensar aquela politica dessenada de  nòstrei forèsts, l’estiu restarà la sason de totei lei risques. Après la muralha de beton en riba de mar, la muralha de fuòc deu  pas venir un espectacle costumier que fa la una dei gasetas pendent quinze jorns per èstre puèi oblidada pendent dètz mes... Totei son pertocats. E puslèu que faire de polidei declaracions que li dien “ciutadanas”, es temps de se botar au trabalh après una concertacion vertadiera e mai larga possible. Nautrei, siam d’aquela chausida ; basta pas de va dire, es de faire ¡”


----------------------------------------------------------------------------------------
SOLIDARITAT OCCITANA  PER LEI MAURAS

Per ajudar leis elevaires e leis agricultors dei Mauras, victimas deis incendis de l’estiu, SOLIDARITAT OCCITANA crida a la solidaritat per ajudar lei sinistrats.
En vue de venir en aide aux éleveurs et aux agriculteurs des Maures, victimes des incendies de l’été, SOLIDARITAT OCCITANA  lance un appel aux dons pour venir en aide aux sinistrés.

Mercé per elei. Merci pour eux.

Tout chèque à l’ordre de “REGION PROVENCE” (Fédération Provençale du Parti Occitan). BP 69 – 83502 La Seyne cedex. Ou : BP 2 – 84400 Gargas cedex.

---------------------------------------------------------------------------------------    










































Leis editoriaus precedents