|
|
|
|
 |
Editoriau / Editorial |
 |
 |
RMI |
 |
|
 |
21 / 12 / 2002 |
 |
| |
Le problème de la pauvreté est rarement abordé dans le mouvement agricole. Pourtant une étude, cordonnée par des chercheurs de l’INRA, montre que 40 000 exploitants agricoles disposent d’un revenu inférieur à la moitié du SMIC en France. Sept mille d’entre eux seulement sont allocataires du Revenu Minimum d’Insertion. Chez les salariés agricoles, la situation est encore plus alarmante. Le travail saisonnier et les emplois précaires prenant de plus en plus de place, le RMI devient une bouée de sauvetage pour 17 000 d’entre eux. Leur nombre est en constante augmentation. RMI contrer « désert vert », il faut se servir du premier pour lutter contrer le second…
RMI
Lei paisans an sa dignitat, an lo « coar aut »(1) coma auria dich ma maire. Li agrada gaire que leis uns e leis autrei, sei cosins e sei vesins, siguèsson informats dei dificultats materialas, viscudas sason après sason, dau promier de l’an a la Sant Siuvèstre. Preferon manjar de regardèlis, si privar de tot que desvelar que ganhan pas ò mau sa vida emé son travalh. La pauretat dins lo mitan, agricòla es estada un « tabo » de sègles de temps. Mai ara, si pòu pus escondre, tant lo fenomèn es espandit, dins lei vaus aupencs, pirenencs, roergats mai tanben dins lei planas fertilas.
L’unitat mixta de recerca INRA-ENESAD de Dijon e de Tolosa faguèt un estudi mostrant que quaranta dau cent dei tenaments agricòlas dònan un revengut per actiu familiau sota lo SMIC ; tenaments gaire capitalisats, un pauc marginalisats, mai tanben de modèrnes que se son subrendeutats e que ganhan pas pron a l’esgard de çò que despendon per faire virar la botiga.
Son 40 000 per pas permetre ais actius que lei travalhan de ganhar mai de la mitat dau SMIC. Pasmens, l’i a que 17 000 agricultors per reçubre lo « Revengut Minimum d’Insercien » ; l’estudi moastra que son bessai dètz còps mai per poder pretendre reçubre la dicha ajuda. Se duviau donar un consèu a de paisans en dificultat, saria aqueu de demandar leis ajudas qu’an lo drech de tocar. Li son per ren se la mondialisacien fa calar lei prètz agricòlas.
Per leis obriers de l’espaci rurau francés, la situacien es encara mai malastrosa. Leis emplecs temporaris si multiplican dau temps que lei Contracts de Durada Indeterminada se cercan ‘mé lo fanau. Eran 17 000 allocatoris dau RMI dins l’estieu 2001, saràn foarça mai aquest an e dins leis ans venents. Lo sistèma dau RMI manca pas de detractors. Permete pasmens d’ajudar a luchar còntra l’avançada dau desert verd que, plan plan, fa avans.
Andrieu ABBE
(1) Grafia de l’autor.
|
|
|
| |
|
|
|
