Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Editoriau / Editorial

Corsega e "Girondisme". Genier-Febrier de 2018 - N°214

25 / 02 / 2018 

                 CORSEGA  E  « GIRONDISME »  

    Quand leis eveniments se turtan e lei retorns d’istòria se butassan, lei mòts avalan ren. La « tradicion republicana » que decessa pas d’èstre remembrada a cada paraulum de Macron s’endevèn mai que jamai amb lo retorn de Chevènement, ancian ministre de l’Interior que, après l’assassinat dau prefèct Erignac, aviá mes en plaça B. Bonnet. Aquest d’aquí, « l’òme que fau au moment que fau » (1998) donèt l’òdre de cremar una palhòta per faire reinar l’òrdre republican. Provocacion que abenèt tota fisança de la societat còrsa per l’Estat repressiu. Amb Chevènement dins la delegacion oficiala en Corsega, èra consacrat lo refús de « dialòg » anonciat per lo candidat au « pache girondin » de la campanha presidenciala. Ben se’n manca, mascariá per tot observator senat, « l’òme de tròp » (Chevènement o Macron ?)  fasiá que confirmar la barradura d’una politica dau Tot Estat unitari dins la tradicion centralista francesa. Chausida politica provocatriz a bèl esprèssi d’un òme que fa l’objèct de mauvolença per una Corsega en cèrca d’autonomia. Per « tradicion republicana », de segur.
   Quora fasèm lo bilanç, l’òme de tròp complís una politica ja refortida  dins l’encastre d’un enjuec de recentralizacion programat dempuei de temps. La resulta d’aquel afaire es de paraular sensa ren largar. De l’article 74 a l’article 72 de la constitucion mencionats, es lo trepejar de tota promessa… jamai facha. Durbir l’experimentacion legislativa seriá donar d’idèas ai regions de fòrta identitat. Faire una politica fiscala adaptada seriá la fin dei dotacions ja tròp grandas. Mai lo president, especialista dei cracas constitucionalas, es per lo bilinguïsme sensa co-oficialitat de la lenga còrsa amb lo francés, anatz comprendre quicòm ! Consentir un estatut de resident seriá tornar metre en question l’apropriacion dei bens au juec de la libra concurrénçia. Ges d’amnistia, ges de raprochament dei presoniers politics, tot es dich, l’a ges de presoniers politics…Es aquò lo pache girondin ?
   La situacion en Corsega es grèva que la politica estatala de provocacion se fa sens retenguda. Es una chausida que pòu durbir la pòrta ais aventuras mai perilhosas. Globalament, en despiech de situacions desparieras, es tanben un avertiment per lei regions que vòlon donar sens au viure ensems e afermir  una democratizacion mai que jamai necita. Lo pache girondin còntra lo pache jacobin, la borrolada politiciana dau Macron a ren inventat.

Gerard TAUTIL
----------------------------

CORSE ET "GIRONDISME"

Quand les événements se heurtent et que les retours d'histoire se bousculent,les mots n'ont plus grande valeur.La "tradition républicaine" qui ne cesse d'être rappelée à chaque verbosité de Macron s'harmonise avec le retour de Chevènement, ancien ministre de l'Intérieur qui, après l'assassinat du préfet Erignac, avait mis en place B.Bonnet. Celui-ci, "l'homme qu'il faut au moment où il faut"(1998) donna l'ordre d'incendier une paillote pour faire régner l'ordre républicain. Provocation qui épuisa toute confiance de la société corse face à l'Etat répressif. Avec Chevènement dans la délégation officielle en Corse, était consacré le refus du "dialogue" annoncé par le candidat au "pacte girondin"de la campagne présidentielle. Supercherie pour tout observateur sensé,"l'homme de trop" (Chevènement ou Macron?)ne faisait que confirmer la fermeture  d'une politique du Tout Etat unitaire dans la tradition centraliste française.Choix politique provocateur à bon escient d'un homme  dont la malveillance est significative pour une Corse en recherche d'autonomie.

   Quand on fait le bilan, l'homme de trop  est l'agent d'une politique déjà renforcée dans le cadre d'un enjeu de recentralisation programmé depuis longtemps. Il en résulte un bavardage sans rien lâcher. De l'article 74 à l'article 72 de la constitution , c'est le piétinement de toute promesse... jamais faite. Ouvrir l'expérimentation législative serait donner des idées aux régions à forte identité.. Faire une politique fiscale adaptée aboutirait à la fin des dotations jugées déjà trop grandes. Mais le président, spécialiste du bluff constitutionnel, est pour le bilinguisme sans co-officialité de la langue corse avec le français, allez donc y comprendre quelque chose! Consentir un statut de résident serait remettre en question l'appropriation des biens au jeu de la libre concurrence. Point d'amnistie, point de rapprochement des prisonniers politiques, tout est dit, il n'y a pas de prisonniers politiques... Est-cela le pacte girondin?

   La situation en Corse est grave car la politique provocatrice de l'Etat se fait sans retenue. C'est un choix qui peut ouvrir la porte aux aventures les plus périlleuses. Globalement, en dépit de situations différentes,c'est aussi un avertissement pour les régions qui veulent donner du sens au vivre ensemble et affermir une démocratisation plus que jamais urgente. Le pacte girondin contre le pacte jacobin, l'imbroglio de Macron n'a rien inventé.



Leis editoriaus precedents