|
|
|
|
 |
Editoriau / Editorial |
 |
 |
Occitanisme, a prepaus dau centralisme (Lo Cebier, Setembre-octòbre - n° 212 (oc/fr) |
 |
|
 |
10 / 10 / 2017 |
 |
| |
Occitanisme,
a prepaus dau centralisme
De la vida sociala e politica, la societat d’encuei es a de faire experiénça, un còp de mai : tot es d’actualitat e retrai dau macronisme en plaça, aquest centralisme de la faussa democracia, amplificada per la « diversitat mediatica », sempre meteissa. Ne’n porgirai quatre exemples.
- L’aflaquiment dei sindicats enfortit per la lei El Khomri donava la possibilitat legala a 10% deis entrepresas de signar d’acòrdis. Amb leis ordonanças, aquesta marga estrechoneta de la lei iniciala trepassa tota concertacion ja fòrça compromessa. La practica dei referendoms morselats dins aquel encastre es lo contrari de tota justícia sociala : buta endavant d’interès particulars en luega d’una amira collectiva dau travalh. Lei travalhadors occitans, dins un contèxte d’entrepresas pichòtas e mejanas que lei sindicats son febles o inexistents, ne’n seràn lei premiers victimizats. Capelada a-n-aqueleis occitanistas de drecha qu’an sostengut l’eleccion de « Sénher - ni gauche ni droite »…
- E se pensatz que cargam la muòla, en periòd de caumatge, l’embuc dei 120 000 contracts ajudats pertòca leis associacions e l’ensems dei sectors sociaus (ensenhament, santat, Outramer), qu’es tot lo sector de l’ensenhament dei lengas « regionalas » qu’es desbrandat. Aquela politica enfortís l’auçament dau caumatge dins lei sectors concernits.
- D’aquela banasta eissís tanben la lei sus la securitat. Mentre que la presidenta de la Comission nacionala consultativa dei drechs de l’òme denóncia l’insercion dins lo drech comun d’unei mesuras pròprias a l’estat d’urgéncia, G. Collomb perlònga aquest d’aicí fins qu’au 1er de novembre. De mesuras de la lei de 1955 seràn donc integradas au drech comun per lo projèct de lei antiterrorista examinat d’aquesta passa au Parlament : estat d’excepcion per Estat de drech ?
- Sensibla es per nautrei, la question nucleària. Se N. Hulot anoncia la barradura de 17 centralas en 2025, lo dangier es pas embandit de Tricastin a Cadaracha. Lo desmantelament deis installacions esta totjorn d’actualitat « centrala » : una question jamai pensada coma una dei questions d’urgéncia. La CRIIRAD remembra l’auvari de 1994 a Cadaracha (INB n°25, recèrca) que faguèt un mòrt. Son desmantelament finau es encuei previst, franc l’impact environamentau. Sota-estimat se demanda la premsa ? Au CEA de Cadaracha, es tanben l’installacion de basi n° 52 que fa problèma… Sens auragan, sens tèrratrémol, sens auvari d’aviacion, sens atemptat terrorista, la question dau nucleari assaja de passar per lo cas de l’agulha. De notar qu’en aquestei cas d’auvaris lei ribeirencs de Cadaracha son manco pas au fieu dei principis de sauvagàrdia…
Nos faudrà tornar sus aquestei questions de politica sociala e de societat au nòstre que lo centralisme macronista es luench d’agotar. L’occitanisme politic que s’acontenta pas de se clinar sus la question essenciala de « l’Occitanie » franchimanda a de pan sus la canissa.
Gerard TAUTIL
Traduccion : http://locebier.free.fr
---------------------------
OCCITANISME
A Propos du centralisme
Une fois de plus, la société contemporaine est en train de faire l'expérience de la vie sociale et politique: l'actualité nous renvoie au macronisme, ce centralisme de la fausse démocratie,amplifiée par la "diversité médiatique", toujours identique à elle-même. J'en donnerai quatre exemples.
- L'affaiblissement des syndicats renforcée par la loi El Khomri donnait la possibilité à 10% des entreprises de signer des accords.Avec les ordonnances, cette marge étroite de la loi initiale dépasse toute concertation déjà fortement compromise.La pratique des référendums morcelés dans ce contexte est le contraire de toute justice sociale :elle met en avant des intérêts particuliers au lieu d'une perspective collective du travail.Les travailleurs occitans, dans un contexte de petites et moyennes entreprises où les syndicats son faibles ou inexistants, en seront les premiers victimes.Chapeau à ces occitanistes de droite qui ont soutenu l'élection de ce "Monsieur ni de gauche ni de droite"!
- Et si vous pensez que nous exagérons en période de chômage, le goulot des 120 000 contrats aidés touche de plein fouet esa associations et l'ensemble des secteurs sociaux (enseignement,santé, Outre-mer)et c'est l'ensemble du secteur de l'enseignement des langues "régionales" qui est ébranlé. Cette politique renforce le chômage dans les secteuirs concernés.
- Et de cette politique est issue la loi sur la sécurité. Tandis que la présidente de la Commission nationale consultative des droits de l'homme dénonce l'insertion dans le droit commun de certaines mesures propres à l'état d'urgence, G.Collomb prolonge celle-ci jusqu'au 1er novembre. Des mesures de la loi de 1955 seront donc intégrées au droit commun par le projet de loi antiterroriste examiné en ce moment au parlement : état d'exception pour Etat de droit?
- Pour nous est également sensible la question nucléaire. Si N. Hulot annonce la fermeture de 17 centrales nucléaires pour 2025, le danger n'est pas exclu de Tricastin à Cadarache. Le démantèlement des installations est toujours d'actualité "centrale": une question jamais pensée comme urgente. La CRIIRAD rappelle l'accident de 1994 à Cadarache (INB n25,recherche) qui fit un mort. Son démantèlement final est aujourd'hui prévu, excepté son impact environnemental. Sous-estimé se demande la presse? Au CEA de Cadarache c'est aussi l'installation de base n°52 qui fait problème... Sans ouragan, sans tremblement de terre, sans accident d'aviation, sans attentat terroriste, la question nucléaire essaie de passer par le chas de l'aiguille. Il faut savoir qu'en cas d'accidents, les riverains ne sont même pas au courant des principes de sauvegarde.
Il faudra revenir sur ces questions de politiques sociale et sociétale chez nous que le centralisme macroniste est loin d'avoir épuisées. L'occitanisme politique qui ne se contente pas de se pencher sur la question essentielle de "l'Occitanie" française a du pain sur la planche...
|
|
|
| |
|
|
|
