Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Editoriau / Editorial

E SE L'OCCITANISME INNOVAVA? Grègo ! Lo CEBIER/OCCITANIA N°209 Març/Abriu de 2017

29 / 03 / 2017 

D’una eleccion l’autra…

       E  SE L’OCCITANISME INNOVAVA ..?  GRÈGO !

   Per qué començar que la matéria es druda ? L’orizont politic s’es mai ensornit entre lei carculs dei pretendents au tròne –(n’avèm fach la revista deis episòdis dins leis editoriaus avans-darriers de Lo Cebier )- e l’aventura cochoa en cèrca de signaturas per far partida dau grand circ mediatic d’aquela eleccion au som. Indefugibla Cinquena Republica !
    Premier, l’analisi d’un jornalista breton, Fabien Lecuyer, (revirada dins lo jornalet) que planh l’escasença mancada de la candidatura C. Troadec, demandèt nòstra atencion : (…) Totun a pas amassat pro de signaturas dins los territòris occitans. Sèt segon lo sit del Conselh Constitucional mes a jorn dimars. Totas en Dordonha o Aude! » Comentarai pas lei chifras minusculas de l’assai, èra prevesible. E d’apondre : “Se ten Occitània, ten la clau”. » E de comparar lei 39 despartaments occitans ais autrei bretons, còrses, catalans, bascs e alsacians : « Que siá per amassar de signaturas per l’eleccion  presidenciala  o que siá per far passar una lei, a chasque còp aurem besonh del “gigant occitan”. Es atal! » çai-diguèt.
  Pertinenta sus lo « gigant occitan » mai incompleta, aquela analisi me sembla mancar un contèxte subrecargat. Lo carcul es pas matematic, es politic e degun farà mièlhs que C. Troadec dins la cèrca de signaturas se comprenem pas que lo sistèma françés es en bot de linha... Nautreis Occitans, aquela estirada l’avèm ja experimentada dempuei 1974 (R. Lafont) e 1981, maugrat mai de dos cents signaturas per la candidatura Aliròl dau temps de Volèm Viure Au Pais. D’ara endavant, sembla que lei capacitats d’accion e lo sentiment d’autonomia dei territòris se siagan estrechits. S’es malaisat de l’afortir,  mai que mai la question es totjorn pas quantitativa, passem pas a costat de l’essenciau. La clavadura dei signaturas es logica dins un sistèma claus ! Fa la demonstracion de l’impossibilitat de faire ausir d’autrei solucions democraticas dins un blocatge centralista jamai tant fòrt. Lei caçairòlas filhonistas e marinistas chanjan ren ai rapòrts dei fòrças en plaça. Lei fans dei dos camps mes en examen son sords coma un topin, son partisans d’una racionalitat atupida. E lei divisions d’una senèstra trocejada barran tota dubertura a una autra eissida. Seriam condemnats totjorn mai au « subre-saut republican », acarats a l’espaventau frontista ?
   Vaqui onte ne’n siam, la situacion es pas flama. Per l’occitanisme culturau e politic, la  rega de tirar es evidenta : de solucions son de menar fòra lei solucions propriament institucionalas e electoralas. Se l’occitanisme tòrna pas trobar de solucions de terren, se rescòntra pas la societat civila, estarà isolat dins de revendicacions categorialas que duerbon pas la pòrta a un anar politic globau. Fa mestier a aquela societat de retrobar l’esperit dau collectiu, dei solucions solidàrias de terren, de se durbir a l’autre per faire de la lenga e de la cultura una aisina entre totei lei questions de la societat dau quotidian. Per se durbir au monde. Bensai es aquò  « l’umanisme occitan », sensa subrenquant  retoric... L’a pas de servici après-venda dei valors, es a nautrei de tot inventar. Es-ti pas Erodòte que disiá que « Siam d’umans d’abòrd que siam capables de fabregar d’istòrias e de contar de mites » ?
   La question es pausada dins l’urgéncia : « Ara, es capable l’occitanisme d’adurre sa pèira e portar una paraula, una accion fòrtas e diferentas, dins lo debat public ? »  Pron lèu, faudrà ben que l’occitanisme i responde. Lo temps de l’après-eleccion es l’escasença  tot d’una venguda de soscar un pauc mai a la seguida per sortir dei carrieras bòrnias.

      Gerard TAUTIL

--------

  ET SI L'OCCITANISME INNOVAIT...? CHICHE !

  Par quoi commencer, car la matière est abondante? L'horizon politique s'est de nouveau assombri entre les calculs des prétendants au trône (nous en avons passé en revue les épisodes dans les avant-derniers éditoriaux du Cebier) et l'aventure  pressée par la recherche de signatures afin de participer au grand cirque médiatique de cette élection au sommet. Incontournable Cinquième République!
  C'est d'abord l'analyse d'un journaliste breton,Fabien Lecuyer (traduite dans lo Jornalet)qui regrette la candidature manquée de Christian Troadec et qui attire notre attention:"Ainsi, il n'a pas réuni suffisamment de signatures en territoire occitan. Sept, selon le site du Conseil constitutionnel mis à jour mardi. Toutes en Dordogne ou dans l'Aude!" Je ne commenterai pas les chiffres minuscules de l'essai, c'était prévisible.Et d'ajouter:" Si on a l'Occitanie, on possède la clé". Et de comparer les 39 départements occitans aux autres bretons, catalans,corses, basques et alsaciens: "Pour réunir des signatures pour l'élection présidentielle ou pour faire passer une loi,  nous aurons besoin chaque fois du "géant occitan", affirme-t-il.

  Si elle est pertinente sur le "géant occitan", cette analyse passe à côté d'un contexte surchargé.Le calcul n'est pas mathématique mais politique et personne ne fera mieux que Christian Troadec dans la recherche de signatures si nous ne comprenons pas que le système français est au bout du rouleau...Nous Occitans, l'avons déjà expérimenté ce chemin depuis 1974 (R. Lafont) et 1981, malgré plus de 200 signatures sur la candidature G. Alirol au temps de Volèm Viure Al Pais. Il semble dorénavant que les capacités d'action et le sentiment d'autonomie des territoires se soient réduits. S'il est difficile de l'affirmer, la question n'est surtout pas quantitative, nous passons à côté de l'essentiel. La fermeture des signatures est logique dans un système clos! Démonstration est faite de l'impossibilité de faire entendre des solutions démocratiques face au blocage centraliste qui n'a jamais été aussi fort.Les casseroles fillonistes et marinistes ne changent rien aux rapports des forces en présence.Les fans des deux camps sont sourds comme un pot, partisans d'une rationalité de niveau zéro. Et les divisions d'une gauche morcelée empêchent toute ouverture vers une autre issue. Serions-nous plus que jamais condamnés au "sursaut républicain", confrontés à l'épouvantail frontiste?

  Voilà où nous en sommes, la situation n'est pas brillante.Pour l'occitanisme culturel et politique, l'ouverture est évidente:trouver des solutions en dehors de solutions proprement institutionnelles et électorales.Si l'occitanisme ne retrouve pas des solutions de terrain, s'il ne rencontre pas la société civile, il restera isolé dans des revendications catégorielles qui n'ouvrent pas la porte à une démarche politique globale.Il est nécessaire pour cette société de retrouver l'esprit du collectif, des solutions solidaires de terrain, de s'ouvrir à l'autre pour faire de la langue et de la culture un outil au service de toutes les questions de la société du quotidien.Pour s'ouvrir au monde... C'est sans doute cela "l'humanisme occitan", sans surenchère rhétorique... Il n'y a pas de service après-vente des valeurs, c'est à nous de tout inventer. N'est-ce pas Hérodote qui disait : "Nous sommes humains parce que nous sommes capables de fabriquer des histoire et d'inventer des mythes."?
   La question est posée dans l'urgence :"L'occitanisme est-il capable de contribuer à ce travail, d'exprimer à la fois des choix, une action forte et différente dans le débat public? Il faudra bien que l'occitanisme y réponde rapidement. Le moment de l'après-élection est l'occasion de réfléchir sans interruption à la suite pour sortir des impasses.

Gérard TAUTIL


Leis editoriaus precedents