|
|
|
Botica / Boutique |
|
|
Psicòsi au palais - Cronicas dins l'ascla dau temps- G.Tautil |
|
|
|
16 / 01 / 2019 |
402 lu(s) |
Darriera publicacion - Març de 2016
PSICÒSI AU PALAIS
Cronicas dins l’ascla dau temps
Gerard TAUTIL
IEO Edicions - Colleccion Ensages n°12–
Premier trimèstre de 2016 Prefaci de Arvèi Guerrera 177 p – lexic oc/fr
13 dessenhs de Joan Loís Racochòt -
La Republica en dòu (fotografia d’una exposicion de Ben Vautier)
*************
Aquestei cronicas chausidas, escrichas pendent quasi vint-e-cinc ans dins la letra occitanista- Lo CEBIER, senton la cebola e lo vinaigre. Son au còp dins l’èr dau temps e fòra temps, mai au drech d’una actualitat qu’es nòstra e forastiera. Cronicas dins l’ascla dau temps, per donar de grame a triar, se remembrar e recampar de brigas d’aquesta passa en estat de sèti ideologic.
Consciéncia dau temps fugidís e drech de dire, a l’escart dau solaç, colèra e clarvesènça se li mesclan. Se ditz que la pòlitica es l’istòria a de se faire. Mai d’aquela istorieta exagonala, viscuda coma còntra-istòria per nautrei Occitans, siam gaire fièrs. La classa politica au poder - drecha e senèstra dins la mema saca de còps que i a – a fach de lònga la demonstracion qu’èra capabla de faire mièlhs que la precedenta dins lo liberalisme descabestrat, la politica associala, lo testarditge per un passat coloniau pesotge mai jamai oblidat e l’amagament d’una lenga istorica e d’una civilizacion de portada europenca.
Posquèsson aquestei cronicas nos ramentar qu’aquela França etèrna nos fa mai que jamai occitans e europencs dau Sud. Siam totjorn estats dins una astrada dobla, desmembrats entre Nòrd e Sud. Mai quand l’istòria quita pas de trantalhar e de nos tòrçer, subran tot pòt pereu s’inversar. Non se repetís, s’inventa sempre ambé lei pòbles. O fugís dins lo tomple. Occitans conscients, avèm fach lo torn d’una fin d’istòria franco-francesa autista e psicotica. Per una respiracion democratica, es temps de se cambiar d’espersé !
----------------------------------------------------
Gerard TAUTIL. Autor, assaista, acompanhaire d’un movement de conscientizacion d’Òc, observator d’un temps a la crosada dau passat e de l’avenidor. Actor, de còps que i a, per anar mai luench e bastir un movement sociau occitan que sache menar de cotria revendicacions culturala, sociala e politica.
----------------------------------------------------
- Comandi …. Exemplari (s). de PSICÒSI AU PALAIS
- 1 exemplari : 16euros + 3 euros (participacion au mandadis), siá : 19€ l’exemplari.
- Chèc a l’òrdre de « Gerard Tautil » -
- Adreiçar : gerard.tautil@wanadoo.fr
http://ideco-dif.com/ieo_edicions/ensages/psicosi_au_palais/index.html
|
Retorn
|
|
|
|
|
|
|
|