Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

Politica / Politique


Eleccions municipalas : la question occitana es pausada- Pèire Costa
17 / 02 / 2020 399 lu(s) 
ELECCIONS MUNICIPALAS E INTERCOMUNALAS :

        LA QUESTION OCCITANA ES PAUSADA

   Lei 15 e 22 de mars, leis electors son convidats a s’exprimir a l’ocasion dau renovellament de sei representants dins lei comunas e leis intercomunalitats. Seràn lei promièreis eleccions localas despuèi la conquista dau poder per Emmanuel Macron a la prima de 2017.
   Fàcia una politica de l’Estat sempre mai centralisada que despossedís lei territoris de sei mejans,  e un mesprés descomplexat còntra l’occitan e leis autrei lengas dichas regionalas (cf. lei nombrosei declaracions d’E. Macron e JM Blanquer), aquesteis eleccions representan l’escasença perfiecha per presentar una alternativa democratica.

   Conscient de l’enjuèc, lo Partit Occitan s’engatja ambé vòia dins aquesta batèsta novèla. A Tolon, Marselha, Aurenja, La Sanha, Oliulas, Siès Forns e dins un fum d’autrei comunas de la Region, lo POc presenta de candidats, sovent novicis en politica.
   Compte tengut de la pression exerçada en Provença per l’extrema-drecha, ara a la pòrta dau poder e vist leis enjuècs (aparament dau climat, lucha per lei retiradas e leis aquesits sociaus), lo Partit Occitan e sei candidats se mobilisan dins de tièras ai costats d’ecologistas e de representants de fòrças politicas de Gaucha e de sindicalistas.

   A Marselha, lo POc comptarà cinq representants. Jamai, de memòri, lei regionalistas auràn ocupat tant de plaças sus una tièra dins la ciutat foceana. Dins dos sectors de la vila, lo Partit Occitan ten de representants en posicion eligibla (2-3 e 9-10). Una escomesa !

   Òm regreta, pas mens, qu’a-s-Ais de Provença, lo Partit Occitan aje fach lei frais de la division de la Gaucha e deis Ecologistas. Lo nòstre amic Hervé Guerrera serà pas mai elegit.

Pèire COSTA
Retorn