|
|
|
Politica / Politique |
|
|
Municipalas a Manosca e Venèlas - Joèu Bouc |
|
|
|
17 / 02 / 2020 |
405 lu(s) |
Eleccions municipalas a Manòsca e Venèlas
Dins lei doas ciutats, lei movements politics que menèran a l'establiment dei doas tieras nasquèran dau manca ! Manca d'una preséncia de senèstra, d'ecologia fàcia ai municipalitas sortantas de drecha amb la menaça d'un avenir puslèu brun. Coma ne'n siam arribats a aquela situacion ? A cadun son idèa mai ieu, me pòdi pas empachar de veire principalament aquelei caras que me vènon en òdi dei Hollande amb Macron.
Mai, aquò's una autra istòria !
A Manòsca (04), la tiera dei 37 colistiers a pres lo nom de « Demain Manosque », un « recampament per una vila sociala, ecologica e solidària ». De recampament, n'es un vertadier bòrd que mai d'un partit es representat : EELV, PCF, LFI, Partit Occitan, ....
La tèsta de lista es lo Sénher Patrick Garnon d'EELV e vòstre servidor es pas en situacion elegibla coma o aviá anonciat dau temps de nòstre darrier acamp as Ais (35en).
A Venèla (13), Silvia Feuga que tornèt prendre sa plaça per lo Partit es 5ena sus aquela tiera ciutadana e ecologista.
Dins lei dos cas, podèm notar qu'avèm quichar fòrt per que nòstrei lenga e cultura siegan presas en còmpte ; dins lei dos cas, avèm rescontrat « d'aurelhas atentivas ». Son d'afaires de seguir !
Joèu BOUC.
|
Retorn
|
|
|
|
|
|
|
|