|
|
|
|
 |
D'aicí e de'n pertot |
 |
 |
LO BILHET DE ANDRIEU ABBE Lo Covid 19, lo Rajastan e lo bastidan |
 |
|
 |
| 07 / 09 / 2021 |
405 lu(s) |
 LO BILHET DE ANDRIEU ABBE
Lo Covid 19, lo Rajastan e lo bastidan
Aquèu covid- 19 m'a remes en tèsta de sovenirs de pichinet. Si parlava dins ma familha en 1950 dau "Péril jaune", de la paur que lei mèstres de China ò d'India nos mandèsson son subre de populacien en desenats de milions. Tot aqueu prepaus si teniá segur en provençau mai si disiá "le péril jaune", lo francés donava mai d'ample a ma terror. M'imaginavi lei "Jaunes" montant la Grand Carriera de Rocabruna per nos venir prendre nòstre ostau.
Pensavi en tot aquò en març 2020 per carrieras dau Rajastan (India). Lei Ragistanis fasián la bèba en vesènt nòstre grope de 21 "blancs" partits lo 5 de Paris (eriam de seniors qu'aviam travalhat per lo servici public de l'audivisuau). Si cresián qu'adusiam lo covid- 19... e aquò podiá èstre verai.
Jamai lei Chinés e leis Indians èron venguts nos raubar nòstre ostau mai ieu veniáu (bessai) li aduere lo mau. Aviáu crenta e n'aviáu la gaunha blanca. Lo 17, leis Indians an demandat ai toristas de garçar lo camp. Quauquei jorns avans la fin prevista dau viatge, lo 21 un avion d'Air France nos a cargats, destinacien Roissy. Ara es un bèu pati en India, leis estajans sensa travalh e sensa sòus assajan de fugir dei megalopòlis... e nautrei toristas siam encara tenguts responsables de l'espandiment dau virus.
Avèm ailàs gaire poscut parlar emé leis Indians, s'escartavan quora avançaviam. Urosament, a Mcleodganj nomenat "the small Lhassa" sus lei promiers pendís d'Imalaia, avèm rescontrat gràcias a Anil nòstre menaire, privilegi rare, Tsenshab Serkong Rinpotché II, joine mèstre dau bodisme tibetan, naissut exiliat en India. Lo Dalai lama l'aviá chausit au jorn de sei tres an per èstre lo novèu rinpotché. Avèm pres em' eu consciéncia dei vertuts de la meditacien. Lo confinament nos a donat a bòudre lo temps de meditar.
Dempuei lo 21 de març, mediti dins ma bastida.., ai gaire avançat.
Andrieu Abbe
junh de 2020
|
Retorn
|
|
|
 |
|
|
|
|
