Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

D'aicí e de'n pertot


D'AQUI E DE PERTOT. G.T.
07 / 09 / 2021 379 lu(s) 
                  D’AQUĺ E DE PERTOT

- Retirada mai !
Es pas acabada la reforma liberala de Macron. Exit lo sistèma de retirada universau per laissar plaça a una tòca financiera, dins la logica de sa politica d’esquichadura de la majoritat dei salariats. Ambe la prima d’economias per l’enauçament de l’atge pivòt a 43 ans d’escotisons e de sortida d’activitat a 64 ans. Supression dei regimes especiaus e mai, tot es pas dich, que la presidenciala s’avança.

- Cadieras musicalas varesas.
Té, vaquí un òme urós, lo J-P Giraud, reelegit president dau conseu de Var a l’unanimitat dau clan varès que baileja despuei de temps lo despartament. Es espantant qu’aquel òme - perseguit per destornament de bens sociaus dau temps qu’èra cònse de Carqueirana (afaire en cors) -, passèsse sens engambis aquela eleccion cantonala. De mai, es sospichat d’aguer pres lenga ambe lo RN que presentèt degun dins son canton. Horribile visu, jamai de la vida ! Per acabar, en preséncia dau pelòt Ubert Falcò, J-L Masson, cònse de La Garda, li rendèt omenatge per la re-passassion de poder que, ditz la pressa, li tombèt de lagremas de crocodil… Paure Joan Pau. Es pas estonant que lo monde votèsse de mai en mai extrèma drecha. Quora l’escobatge d’aquel estable ?

- ENERGIAS RENOVELABLAS.
La part deis ENR dins la consumacion finala de França en 2019 es de 17,2 %, valent a dire un retard de 5,8 ponchs de percentatge a respèct de l’objectiu. Es lo retard mai gròs de tota la classa europenca (sorça « L’oursin vert »).

- NUCLEARI
Çò que ramenta Miquèla Rivasi, eurodeputada e cofondatritz de la Criirad : « Le nucléaire nous freine dans la transition énergétique et notamment les énergies renouvelables qui, elles, sont créatrices de centaines de milliers d’emplois. En France, l’Agence de l'environnement et de la maîtrise de l'énergie (ADEME) reconnait que le scenario 100% d’énergies renouvelable en 2050 est réaliste et coûterait le même prix que de maintenir le nucléaire. » Segur, l’i a blocatge en quauque luec…

- Comission europenca e emissions de CO2.
Per far baissar lo taus de CO2 de 55% en 2030, faudriá taussar leis entrepresas sus seis emissions. Un metòde doç e non constrenhent prepausat per la Commission que mete en premier l’ideologia de mercat, s’imaginant que la quichada bastarà per far baissar lo taus carbòne. L’alfà e l’omegà d’una politica climat ? Lo mercat s’en trufa e respondrà jamai a una autra politica d’investiments, de planificacion e de dialòg sociau. Rendètz-vos en 2030 ambe de mascas a oxigèn e d’auvaris « naturaus » !

G.T.
Retorn