|
|
|
|
 |
D'aicí e de'n pertot |
 |
 |
AJUDATZ LA CALANDRETA DE VAURIAS |
 |
|
 |
| 06 / 11 / 2020 |
406 lu(s) |
 Politica culturala
CALANDRETA DE VAURIAS
(Territoire : enclave du pape et Drôme provençale).
Cars amics, cars donators,
Calandreta de Vaurias desamarriguèt son activitat lo 1er de setembre. Sèt pichòts de pichòta e mejana seccion mairala son inscrichs. Elodia es la regenta. Erika qu’apren lo provençau despuèi una annada es l’adjuda mairala.
Siam installats dins de locaus situats au plan-pè dau licèu vièlh de Vauriàs.
Gràcia a vòstre sostenh financier e gràcia au travalh dei benevòls, avèm fach d'òbras de plombariá per crear de sanitaris per pichòts e per endreiçar un caire cosina; avèm posat de revestiments de sòus nòus dins la classa e la dormida, avèm realisat d'òbras de menuisariá : estatgieras, barranhas de proteccion, rideus, installacion de tablèus, reparacion de cadièras…
Calandreta d’Aurenja nos a donat dau mobilièr e dau materieu escolari. D’autreis estructuras coma de nenonieras associativas nos an tanben remès de mòbles .
Gràcia a vos, nòstrei pichòts calandrons Vaurassèncs e de la Droma provençala, 2 filhas e 5 dròlles son dins la calandreta. Pasmens siam sempre a la recerca de pichòts bancs, de liechs per enfants, de pichòtas cadieras,…
E avèm encara besonh de dons per finançar lo fonccionnament jornalièr.
De segur sabètz que tenèm d’èstre una escòla associativa laïca accessibla a totei, amb un ensenhament gratis e tenèm de pagar nòstrei regents au meme nivèu qu’aquelei de l’ensenhament public.
Vòstrei dons son ben segur deductibles deis impòsts e se podètz faire un virament mensuau aquò es formidable perqué nos assegura cada mès una rintrada d’argent.
Pasmens un don ponctuau meme pichòt es benvengut «lei pichòts rius fan lei grandei ribièras ».
|
Retorn
|
|
|
 |
|
|
|
|
