|
|
|
|
 |
D'aicí e de'n pertot |
 |
 |
LO BILHET DE Joan Pau MARTIN. De Mozambicans fan recular l'agro-industria |
 |
|
 |
| 27 / 10 / 2018 |
402 lu(s) |
 LO BILHET DE JOAN PAU MARTIN
De Mozambicans fan recular l’agro-industria.
Nakarari es un vilatjon escondut dins la pagola (lo vilatjon), relarg de Malema, a dos mile quilometres de Maputo, la capitala.
Sota lo manguier, una quarantena d’ òmes e fremas son assetats, lo secretari dau vilage pren la paraula : « Devèm pas creire ço que ditz lo governament, fau continuar a luchar. »
La mobilisacien populàrai emè Nakarari a donat un marrit còp, cadun espèra lo còp de la mòrt, au grand projèct industriau d’ Africa tota : ProSavana.
ProSavana, es la resulta d’ una cooperacien triangulària entre lo govern dau Mozanbica, l’agéncia japonesa de cooperacien e de l’agéncia bresilianna, aviá en mira de plantar cavilha dins lo corredor de Nacalà que trepana 19 cantons de tres provincias dins lo nòrd dau país.
Fa 14 miliens d’eitaras, valent a dire un quart de França. Lo ròdol es coneissut per « lei culturas de renda : soja, coton e gròs blat. » ProSavana fa partida de la grande corsa ai terras agricòlas que ravauda l’emisfèri dau Miegjorn.
Tot aquò fuguèt estigançat luenh dei pichons paisans dau relarg. « Lo premiè còp que n’avèm ausi parlat èra en 2011 dins una entrevista dau ministre de l’Agricultura dins un jornau bresilian », se rementa Jeremias Vunjane.
Lei gents son estats trevirats. D’en premier simple moviment locau, la mobilisacien a pres d’importança. Passa-carrieras, missiens fòra dau país, moviments que recampan lei paisans mozanbicans e bresilians, tot aquò a fa trantalhar lo projèct.
Lei Japones an començat de dire ceba, seguits per lei Bresilians : ProSavana es arrestat. Mai per sénher Vunjane, ges de relambi : « Fau se tenir ben revelhadís ! ».
|
Retorn
|
|
|
 |
|
|
|
|
