Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

D'aicí e de'n pertot


Lo BILHET DE JOAN PAU MARTIN. AHED TAMINI condemnada a uech mes de preson en Israel
14 / 04 / 2018 404 lu(s) 
LO BILHET DE JOAN PAU MARTIN
Letra de Rocabruna

Ahed Tamini condemnada a uech mes de preson en Israel

   Ahed Tamini sortirà de preson d’aicí a l’estiu. La joina Palestiniana fuguèt arrestada per aguer mandat un bacèu e butassar un sordat israelian dins son vilatge de Nebi Saleh en Cisjordania.

   Lo dimècres 21 de març, a acceptat de plaidejar copabla. Es destenguda despuei lo mes de decembre de 2017. La justicia militària a abandonat uech dei dotze cargas restengudas còntra la joinina.

   Ahed es devenguda una icòna dins lei territoris tenguts e a l’estrangier.

  Ahed Tamini, dètz-e-set ans, a fach coma de centenaus de minors palestinians que son arrestats cada an per l’armada israeliana, a plaidejat copabla, que podiá pas se defendre segon lei nòrmas dau drech.

   Ja en 2013, l’organisacien dei Naciens Unidas per l’enfança parlava de marrits tractaments sus lei pichons per la justicia militària israeliana : arrestaciens de nuech, isolaments, paraulas de menaça.
   Lo tribunau a ratificat lo plaidejament copable, una escapada acceptada per la familha de la chata, coma lo tribunau aviá refusat la publicitat dei contèstas. Era un biais de faire taiser la joineta.

   Mai es pas aisat de faire taiser lei Tamini, aquela familha contestatriz dins son vilatge onte la resisténcia ciutadana es quotidiana. Bessai an fach leis Israelians d’una genta e polida chata una eroïna e un simbèu de la resisténcia dau pais a l’opressien e a la fòrça armada.
Retorn