Acuelh / Accueil
Editoriau / Editorial
D'aicí e de'n pertot
Sociau / Social
Politica / Politique
Istòria / Histoire
Cartabèu/Bloc-notes
Societat / Société
En revista / En revue
Botica / Boutique
Forum
Contact

   
   

D'aicí e de'n pertot


VIATGE TRAS LA LENGA BASCA. Letra de Rocabruna. Joan Pau Martin
03 / 03 / 2018 91 lu(s) 
Lo BILHET DE JOAN PAU MARTIN. « letra de Rocabruna »

           Viatge tras la lenga basca

                 Faire paraula.

   Eugéne Green filma una lenga tras lo retrach de quatre joines.
Eugéne Green es un òme de tiatre, especialista dau tiatre baroco. A fa tanben de documentaris d’un autre temps. Avèm pas estat sosprés qu’aquest amorós de la lenga estudie lo Basc, la mai anciana dei lengas de l’Euròpa dau ponent.

   Coma faire per filmar una lenga ? Es tota la questien de faire lenga. Aquí lo cineasta acampa quatre joines dau país qu’an estudiat en basc. Lo temps d’un estiu s’en van au rescòntre de son identitat e dei tradiciens liricas, literàrias e patrimonialas. Lo melhor biais de filmar una lenga, es enca de la faire ausir. Lei personas parlaràn solament en basc.

   La bèla idèia d’Eugéne Green, es de totjorn metre sei subjècts en estat de parlar e de s’ afiscar dins seis escambis entierament. Aqueu temps libre, duerbi, fa tota la valor dau film que nos sauva dau costat inquietant tre que s’agís dei culturas minorisadas e amenaçadas per se tresmudar en un retrach de grop e d’amistat.

   Dins lo jornau « le Monde », lo critic Mathieu Macheret ditz que lo film evoluna entre la cerca d’identitat e la retirada identitària. Mai es l’alucada d’un parisenc. Fin finala la lenga es enaurada. Bessai qu’un jorn, qu’esperi pròche, podrem veire un viatge tras la lenga d’Òc. Çò que fau sovetar.

--------------------                          
Retorn